Tuesday, April 1, 2008

د . على لطفى حرام عليك







بقالى كتير متفرجتش على التلفزيون فالنهاردة مروح بدرى شوية يعنى مرة من نفسى قعدت اتفرج على التلفزيون وانا عمال اقلب فى القنوات
ولاقيت القناة الفاشلة اللى اسمها
O T V
مستضيفة الدكتور على لطفى رئيس الوزراء السابق
الراجل ده كنت اسمع انه محترم وشريف فاستغربت ازاى يوافق انه يطلع فى القناة ديه وبرنامج مساءك سكر زيادة


المهم انهم كانوا عمالين يسئلوه عن الاوضاع فى مصر والراجل عمال يرد ان الوضع زى الفل وعال العال قولت اشوف اخر الراجل ده ايه
اتفرجت لغاية الاخر

اخر سؤالين بقى كان رده مستفز جدا

السؤال الاول من المذيع الرخم


ما رأيك فى موضة الاضرابات اللى بتحصل اليومين دول بغرض لوى دراع الحكومة


د. على لطفى : طبعا احنا بقينا فى عصر الديموقراطية فلازم نقبل بحدوث الاضرابات زى ما بيحصل فى العالم كله بس المشكلة ان احنا بنعمل الاضراب غلط بره فى امريكا وفرنسا الاضراب ده اخر حاجة ممكن يلجئولها بعد كل المحاولات التانية ما تفشل وكمان بيعملوا الاضراب بدون تكسير اى حاجة فى المنشأت لكن احنا بنعمل العكس تماما الكلام ده كلام الدكتور على لطفى
انا بقى نفسى أسأل الدكتور على حاجة مين ده اللى مبيحاولش يحل المشكلة بكل الطرق الودية روح حضرتك اتفرج على المحايلات اللى عملوها الاطباء وعمال غزل المحلة والصيادلة والحديد والصلب وجزيرة قرصاية كل الناس ديه عملت المستحيل مع الحكومة علشان تحل مشكلتها منفعش يعنى احنا متحضرين زى اللى برة يا دكتور اما بقى حكاية تكسير المنشأت لما حضرتك تقف فى اضراب وواقف باحترامك تلاقى الامن هوا اللى عمال يطحن فيك وفرق الكاراتية تنزل وسط الناس اللى فى المظاهرة تضرب فيهم مش هيكون عندك غير حل انك لازم تضرب انت كمان علشان تبعدهم عنك يعنى الشرطة هيا اللى بتبدء فى الضرب يا دكتور مش زى بره اللى الشرطة بتحمى الناس وتحافظ على سلامة الناس اللى بيتظاهروا علشان ده حقهم
اما الشرطة عندنا اول مايشموا كلمة مظاهرة تنزل تقفل الشوارع وتنشر فرق الكاراتية وعساكر الامن المركزى علشان
تطحن فى الشعب علشان محدش يفتح بقه تانى يعنى يا دكتور فرق معاك اوى ان الناس بتكسر المنشات ومفرقش معاك ان الشرطة بتكسر عضم الشعب
السؤال التانى كان من المذيعة المستفزة التانية
هل حضرتك يا دكتور متفائل للوضع فى مصر
دكتور على لطفى : انا بطبعى متفائل وكمان متفائل بوجود السيد الرئيس حسنى مبارك فى السلطة
ممكن اعلق بكلمة ابيحة ولا لأ
ولا بلاش
هوا الدكتور على لطفى معتقد ان السيد الرئيس لسه رئيس جديد ولا حاجة دا سعادتك فى السلطة بقاله 26 سنة والحال بيزيد سوء وانت متفائل
طب كنت قول متفائل بوجود السيد جمال مبارك فى السلطة كانت تبقى مبلوعة شوية اهوة الراجل لسه فى السلطة جديد لكن تقولى متفائل لوجود السيد حسنى مبارك فى السلطة لا اسمحلى دا بعد فترة حكم 26 سنة بقى عندنا ازمة فى رغيف العيش الحكومة مش عارفة توفره ورئيس الوزراء بيقدم تقرير يومى للريس عن جهود حل ازمة العيش مش بيقدم تقرير عن الصواريخ النووية ولا المحطة النووية رقم 20 اللى مصر بتبنيها ولا مراسم الاحتفال بالمصنع رقم مليون فى مصر ولا جهود مصر لتحصيل الديون المعدومة اللى مصر سلفتها لجزر الانتيل الهولندية وجزر القمر بلاش نقول امريكا ولا روسيا
دكتور على لطفى احنا بعد 26 سنة مش عارفين نحل ازمة رغيف العيش وانت حضرتك متفائل طوال ان السيد الرئيس موجود فى السلطة
لا تعليق
بصراحة مكنتش هاعرف انام غير لما اقول الكلمتين اللى محشورين فى زورى
خليك متفائل يا دكتور لان السيد الرئيس وسلالاته هتفضل فى السلطة اما نشوف اخرة التفائل بتاعك ايه



36 comments:

مدونة الغلبـان said...

ماذا تنتظر من رجل كان فى السلطة فى عصر حسنى مبارك؟
غير النفاق والمهادنة
راجل زى ده هتفرق معاه ا؟ه ماهو عايش ومتهنى ولا فى بالوا الشعب المطحون.

وتقبلى تحياتى

The Alien said...

ياعم سيبه يتفائل براحته
أهو علي اﻷقل منبقاش كلنا متشائمين

مش عارف إنت ليه متحامل علي القناة دي
تحياتي

Hannoda said...

واحشاني مدونتك جدا يا محمد

أنا فدوامة شغل رهيبة و كل اللي بلحق أعمله إني أطل على مدونتي و أسلم بعيني و روحي على اللي جم وزاروني بس أول ما لقيتك فرحت جدا و قلت آجي خطف أسلم على صديق غايب بقاله زماااان
وأنا كمان غايبة عنه بقالي زمان
وش مكسوف

أما بالنسبة للي بيتكلموا بالفكر ده دلوقت ناس بيصعبوا علي بجد

بحسهم قدام قوي و عقلهم شبه متوقف عند مرحلة كانت مليانة بكلام طبطبة على الناس ومحلسة للنظام

وسامحني على المصطلحات ده

بس ده اللي كانوا بجد ببيعملوه زمان

لكن دلوقت الشعب مابقاش بيصدق حاجة و بيعرف يشوف الحقيقة كويس
ومابقيناش غلابة و جهلة و سلبيين زي زمان
آه مش كل الناس بقت واعية و ايجابية ولو كان زمان حالنا اتغير ومصر اتقلب حالها لحال أرقى بكتير

لكن بمناسبة التفاؤل ا للي ذكرته انت

فأنا معاه في التفاؤل ده

بس مش تفاؤل بالرئيس
لأ تفاؤل بالمرؤوسين
بيبنا إحنا

إحنا إتغيرنا و لو فيه حاجة ممكن نشكر الظروف الحالية عليها

تبقى الحاجة ده هي التغيرر اللي الظروف الصعبة ده غيرتها فينا

و اللي مش عاجبه الاضرابات يا إما يشوف حل ايجابي أو يخبط راسه في الحيط

ده بلدنا .. لازم حانطالب بحقوقنا فيها
ولانزم حانفائل عشان نعرعف نغير فيها

واللي عاوز يغني للنظام يغني بقى مع نفسه

أما OTV أنا ماشفتهاش قبل كده خالص

واحشني التواصل و النقاش معاك جدا

ومعلش على الرغي اللي جه مرة واحدة ده

:)

تحياتي

Rania Lelah said...

يعنى انت يا محمحد قلت الى فى نفسك علشان تعرف تنام و سبتنا احنا كدة
المصيبة انهم ملو البلد دلوقت
و لسه مصدقين وهمهم بان فى ديمقراطية و حرية راى و دى كلها اوهااااااااام


تحياتى

السـيد شبـل said...

مدونتك كويسه بجد

بتمنالك التوفيق

micheal said...

و الله أنا حاسس أننا حنترحم علي أيام حسحس لما نشوف أيام جيمي
:)
تحياتي

Unknown said...

أهم حاجه إنك تكون عرفت تنام بعد ماقلت الكلمتين دول

وبعدين ده عادي, انت فاكر يعني إن واحد من رجالة الحكومة كان هيقولك ايه؟

البلد حالتها زي الزفت والراجل الكبير بقي عنده 88 سنه ولسه ماسك في الكرسي؟؟؟؟

مالازم يقولك ان الحياة فل الفل ولونها بمبي بس احنا اللي عندنا عمي ألوان فبنشوفها أسود

عالجو عنيكم بقي عيب كده

reri said...

شعب متشائم
دي أخرتها
بعد 26 سنه بلاوي
لسه مطلوب اننا نتفائل زي د.علي لطفي
هو أكيد متفائل بتجوييع الشعب المصري
لا حول ولا قوة إلا بالله

سلامي ليك

عروس البحر said...

رجل غريب
قناة مستفزة

مصر هى أمى said...

الغلبان

شرفتنى لاول مرة
ما هوا ده اللى ضايقنى ان واحد زى ده كانت مهمته الاساسية انه يخدم الشعب الاقيه بالمنظر ده

يا لا ربنا يسامحه

مصر هى أمى said...

اليان

يا صديقى يتفائل براحته لكن ميقولش الكلام المستفز ده

ميجيش يتكلم عن عمال غزل المحلة انهم مش فاهمين حاجة وبيلوا دراع الحكومة

اما عن القناة اعذرنى انا مش بحبها

مصر هى أمى said...

هنودة

اولا انا اللى اسف جدا على تغييبى بالذات عن مدونتك العظيمة بس بصراحة انا كل فترة بدخل اشوفها واقرا البوستات اللى انتى بتكتبيها لكن بصراحة مبيكونش فى وقت اعلق
ربنا يعينك على الشغل

كلامك صح بس المشكلة ان الناس ديه لسه فاكرة نفسها عايشة ايام زمان اللى كان الواحد فيها ميعرفش اى حاجة غير اللى عايزة الحكومة تعرفهاله


يا ستى انتى تنورى المدونة وترغى فيها زى ما انتى عايزة

مصر هى أمى said...

رانيا

انا اسف يا ستى انى نكدت عليكى لكن هاعمل ايه ماليش غيركم افضفض معاهم

مصر هى أمى said...

السيد شبل

شكرا ليك نورتنى

مصر هى أمى said...

مايكل

يعنى هوا ربنا غضبان علينا 26 سنة ولسه كمان محدش عارف كام سنة غيرهم
حرام عليك يا راجل

مصر هى أمى said...

اسراء

تصدقى انا حاسس ان اغلبية الشعب محتاج فعلا يتعالج
تقرى الجرائد الحكومية وتصريحات الوزرا عن مستوى الدخل ولاداء الاقتصادى مبتبقيش عارفة هما بيتكلموا عن نفس البلد اللى احنا عايشيين فيها ولا لأ

اوعدك انى هاروح اغير عينى مش هاعالجها بس يمكن اشوف حاجة عدلة للحكومة ديه

مصر هى أمى said...

ريرى

فعلا لا حول ولا قوة الا بالله

ربنا يكون فى عون الشعب المصرى
حتى بعد ما الواحد يسيب السلطة مش قادرين نقول الحقيقة

مصر هى أمى said...

عروس البحر

البلد بقى فيها حاجات كتير مستفزة

نورتينى

رامى اشرف said...

دا شىء طبيعى يا نجم
اى حد فى هاذا النظام من مصلحته ان يستمر هاذا النظام اما للتربح او اما للتربح اى تربح من الاتنين يعنى
انا دماغى قربت تضرب

شهيدة said...

السلام علیکم

ازيك يا محمد

انا متأكدة اني علقت على الموضوع ده من قبل

وبصراحة انا دلوقت نسيت الموضوع عن ايه ههههه

بس اي حاجة انت تقولها صح

ايه رأيك بالتابعية العمياء دي؟

ده اللي جايب أجلنا في الامة العربية

تحياتي

واحد وبيتكلم said...

تعالوا نعلي صوتنا واللي عاوز يقول يقول


http://kalamser.blogspot.com

حكيم النيل said...

يا راجل انت عامل مدونة اسمها "مصر هى امى " وعامل اللوجو خريطة غلط .
.
ارجو ان تغير الخريطة
ومجهود طيب ان شاء الله
بالتوفيق
www.theblogger.co.nr

موناليزا said...

يعنى عايزه مكنش يبات فى بيته يومها يعنى ولا ايه

أسوور said...

جريدة الأسرة العربية
قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها وصورهم
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو بتعليق على هذا البوست نفسه
يترك لينك البوست اللى عايز ينشره الجرنال له
تحت عنوان جريدة الأسرة العربية
الشـــــــــــــــــروط
-مراعاة الصحة اللغوية والنحوي والإملائية قدر الإمكان.
-مراعاة الا يزيد البوست المراد نشره فى الجريدة عن صفحة ايه فور.
- أولوية النشر تكون للبوستات التى فيها موضوعات عامة تهم فراء الصحف.
-اولوية النشر للبوستات التى ترسل على الميل المذكور أعلاه كفايل وورد مرفق.
الجريدة تصدر الإثنين من كل أسبوع

بنوتة من وسط البلد said...

رغم انى قريت الموضوع متاخر
بس عجبتنى اوى حكاية ان رئيس الوزرا ابو هيبة داخل هازز طوله ده كله علشان يطمن قلب الرئيس على رغيف العيش

وفى الاخر يقولوا ده شعب ابن ... مافيش اى دولة فى العالم بتقدم دعم على العيش والبنزين احنا هنشيل الدعم

ونفس رئيس الوزراء الى يقول لا غلاء فى الاسعار ولا مساس بالنزين وبعديها بشهر يغلى اسعار السلع الاساسية

دول عصاااااابة يابا ..
منه له .. منه له

حياتى

-_- said...

صيف سعيد لك وللجميع

شهيدة said...

سلام عليكم

ازيك يا محمد

ايه الغيبة الطويلة دي؟

اتمنى تكون بخير

الظاهر انت ونائل متفقين مع بعض تغيبوا عن الانظار

على كل حال ياريت تطمنا عليك، ولو ممكن كمان تطمنا على نائل لو هو لسة موجود على وجه الأرض ولا رجع الى كوكب المريخ :)

تحياتي

سلام عليكم

Ihab Omar said...

ابن النظام
يعني هيقول ايه ؟؟
صدقني بلا نحط في دماغنا انه ممكن حد من المسئولين السابقين او حتي الحاليين يطلع كويس
كل واحد ليه مصلحة في اي موقف هو بيقوله
كلهم عصابة واحدة اساسا ً

Anonymous said...

ثقافة الهزيمة..أم الرشراش أرض مصرية بقلم : غريب المنسى



أم الرشراش بلدة حدودية مصرية مع فلسطين وكان يقيم بها قوة شرطة قوامها 350 ضابط وجندى. ولأنهاء حرب 1948 وقعت مصر واسرائيل اتفاقية هدنة فى رودس فى يوم 24 فبراير 1949 ولكن فى ليلة 10مارس 1949 قامت بعض العصابات اليهودية بقيادة اسحاق رابين ( رئيس وزراءإسرائيل 1992-1995) بالهجوم على أم الرشراش فى عملية بربرية اسمها الحركى “عوفيدا ” ولأن القوةالمصرية كانت ملتزمة بأتفاق الهدنة فلم تطلق طلقة واحدة .. ولكن اليهود كسروا الاتفاق وقاموا بمذبحة جرى خلالها قتل جميع أفراد قوة الشرطة المصرية واحتلوا أم الرشراش وحولوها الى ميناء ايلات والذى تأسس سنة 1952.

ومنطقة رأس خليج العقبة وبلدة أم الرشراش كانت تابعة للحكم المصرى حتى عام 1892عندما اصدر السلطان العثمانى فرمانا بضم منطقة العقبة للأراضى الحجازية وبقيت أم الرشراش ورأس النقب وطابا تحت الحكم المصرى وعرف ذلك بفرمان 1892,ولكن فى عام 1906 وبسبب وجود مصر تحت الاحتلال البريطانى قامت القوات العثمانية باحتلال مثلث أم الرشراش ورأس النقب وطابا ووقعت أزمة عالمية وقتها قامت على أثرها بريطانيا بالضغط على اسطنبول وانسحبت القوات العثمانية وعادت أم الرشراش ورأس النقب وطابا لمصر, وفى سنة 1906 قام السلطان العثمانى بابرام اتفاقية مع القاهرة عرفت باتفاقية 1906 ونصت على أن تكون رأس النقب وطابا لمصر وأم الرشراش للحجاز. ومساحة أم الرشراش -ايلات حاليا - تبلغ 1500 كيلو مترمربع وهى مساحة أكبرمن مساحة هضبة الجولان- 1150 كيلو مترمربع - وقطاع غزة الذى تبلغ مساحته 350 كيلو مترمربع .

الدكتور صفى الدين أبو العز - رئيس الجمعية الجغرافية المصرية - يصف أم الرشراش كميناء رئيسى لمرور الحجاج وكانت تحت الحكم المصرى غيرأنها سقطت فى يد الصليبين أثناء الحروب الصليبية حتى حررها صلاح الدين الأيوبى وطردالفرنجة منها لكنهم عادوا من جديد ليتمكن السلطان الظاهر بيبرس من طردهم منها نهائيا عام 1267 ميلادية وأقام السلطان الغورى عليها قلعة لحمايتها كميناء مهم لمصر .. وتعود تسميتها ب ‘أم الرشراش ‘ الى احدى القبائل العربية التى أطلقت عليها ذلك الاسم.

فى مذكرات محمود رياض - أمين عام جامعة الدول العربية الأسبق- يشير لرواية رئيس الوزراء الاردنى توفيق باشا أبو الهدى الذى أقر بها فى مؤتمر رؤساء الحكومات العربية الذى عقد فى يناير 1955 عندما قال : ” انه عندما بدأت القوات اليهودية فى تقدمها جنوبا باتجاه خليج العقبة فى مارس 1949 لاحتلال أم الرشراش جاء الوزير المفوض البريطانى فى عمان ليقول له أن حكومته ترى ضرورة استمرار المواصلات البرية بين مصر وباقى الدول العربية وتقترح لذلك ارسال كتيبة بريطانية الى مدينة العقبة لمنع اليهود من الوصول الى الخليج , وفعلا وصلت الكتيبة الانجليزية الى ميناء العقبة الأردنى على أن تتحرك فى الوقت المناسب لوقف التقدم اليهودى الا أنها ظلت فى ميناء العقبة دون أن تتحرك بينما استمرت القوات اليهودية فى تقدمها لاحتلال أم الرشراش وليكتشف بعد ذلك أن جلوب باشا قائد القوات الأردنية الانجليزى قد تواطىء مع العصابات اليهودية لاحتلال أم الرشراش بهدف الوصول الى منفذ على البحر الأحمر” .. انتهى.

ويقول المستشار حسن أحمد عمر أن مصر لم توقع أى اتفاق بخصوص أم الرشراش وهذا يعنى أن الباب مازال مفتوحا أمام المطالبة بمثلث أم الرشراش وأن التضليل الاسرائيلى بغرض اثبات حقوق لها بمثلث أم الرشراش والذى تبدده نصوص الحكم الدولى الذى صدر لصالح مصر فى مثلث طابا حيث أهدرت تلك النصوص الدفع الاسرائيلى الذى يزعم بأن بريطانيا باعتبارها الدولة المنتدبة على مصر وفلسطين قد اعترفت صراحة فى عام 1926 بأن الخط المحدد فى اتفاق 1906 هوخط الحدود وأن بريطانيا قد أكدت لمصر أن حدودها لن تتأثر بتجديد حدود فلسطين .. ونظرا الى سابقة الرجوع الى اتفاق 1906 من جانب مصر وبريطانيا عام 1926 وفى غيبة أى اتفاق صريح بين مصر وبريطانيا على تعيين حدود مصر وفلسطين فأن المحكمة فى أثناء التحكيم فى طابا أهدرت هذا الدفع كلية وأكدت أن المحددات فى اتفاق 1906 المستخدمة فى التصريحات المصرية البريطانية وقتها لايحملان معنى فنيا خالصا وانما يشيران فقط الى وصف خط الحدود دون الاشارة الى تعليم الحدود المنصوص عليها أيضا صراحة فى اتفاق سنة 1906 وهى السند التى كانت اسرائيل ترتكزعلى أنها الاتفاقية التى وضعت أم الرشراش ضمن أرض فلسطين.

فى اطار سعيها لعقد صلح بين اليهود والعرب اقترحت الولايات المتحدة فى عهد كيندى ( 1961-1963 ) والذى كانت تربطه علاقة طيبة بعبد الناص( 1956-1970) اقامة كوبرى يمر فوق أم الرشراش ويربط بين المشرق والمغرب العربى مقابل سقوط حق مصر فى المطالبة بهذا المثلث الاستيراتيجى ووقتها رفض الرئيس جمال عبد الناصر هذا العرض وقال : ” كيف نستبدل أرضنا بكوبرى يمكن أن تنسفه اسرائيل فى أى وقت ولأى سبب ؟؟!!

الجبهة الشعبية المصرية لاستعادة أم الرشراش وهى منظمة مصرية تأسست قبل 15 عاما وتضم مجموعة من الباحثين والحقوقيين وأساتذة قانون دولى وجغرافيين جميعهم يؤكدون على أحقية مصر فى مثلث أم الرشراش وقد طالب الرئيس مبارك الاسرائيليين فى عام 1985 بالتفاوض حول أم الرشراش التى تؤكد جامعة الدول العربية بالوثائق أنها أرض مصرية وفى سنة 1996 أعلن الرئيس مبارك أن أم الرشراش مصرية كما كتبت نشوى الديب فى جريدة العربى المصرية.

من حق مصر الأن بناء على تلك الحقائق أن تثيرموضوع أم الرشراش خاصة وأنها جزء من الأراضى المصرية وليست أرضا فلسطينية استباحت اسرائيل احتلالها.ولايوجد بند فى اتفاقية السلام مع اسرائيل يمنع مصر من حقها بالمطالبة بأم الرشراش ولذلك نرى أنه من المناسب أن تفتح الحكومة المصرية ملف أم الرشراش والتفاوض مع اسرائيل لاستردادها واذا لم يجدى التفاوض يمكن لنا اللجؤ الى محكمة العدل الدولية للمطالبة بحقنا فى استرداد مثلث أم الرشراش ولاسيما أن عدد سكان ايلات الأن 57 الف نسمة ومن المحتمل أن يزداد فى المستقبل والحل الأن دائما أسهل من الحل فى المستقبل.!!!!…. ومن الممكن كبادرة لحسن نوايا مصر أن نسمح فيما بعد بمرور البضائع الاسرائيلية من خلال ميناء أم الرشراش.

Unknown said...

كل سنت وانت طيب يامحمد

رمضان كريم

ويارب يكون سعيد عليك
(:

خواطر ليست عابرة said...

يظهر أن أي مسئول في البلد دي معتقد ان الريس هو اللي حطوا في مكان المسئولية وبالتالي فعليه أن يظل ما بقي من عمره يسبح ويقدس بحمده
مصر بتتأخر بالمنافقين
مصر بتسألني انته ليه زعلان، ايه اللي مضايقك مني، مصر مش عارفة اني بحبها من 26 سنة هم عمري في الحياة، حبي ليها هوة أكبر جرح في حياتي
معرفتش أرد علي مصر أقول ليها ايه
ألفت قصيدة اسمها (لم تسالين)
كانت صدمتي الأولي في مصر حينما رفضت حبي لها قائلة أنني لم أقدم لها شيئا حتي تبادلني الحب
مع أنني لم أكن أجتهد في دراستي صغيرا وأكد في عملي كبيرا إلا من أجلها
أما عن صدمتي الأخيرة فيها فهي أنها تسألني عن سبب خوفي عليها بعدما استشرت في جسدها أمراض ليس آخرها انتشار الواسطة والرشوة والفساد والفوضي والاسبداد بالسلطة.
فكان سؤالها لي بمثابة الخنجر الذي تذبحني به وأنا المجروح أصلا

شكرا علي البوست الرائع ومعذرة للاطالة
وأدعوك لقراءة قصديدتي القصيرة جدا علي مدونتي المتواضعة للغاية

Anonymous said...

أين ذهب هذا المبلغ الضخم وهو " 130 مليار دولار" ؟.....؟

فى حديثه بقناة الجزيرة فى سبتمبر 2004 قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟ و لمزيد من التفاصيل أذهب إلى مجموعة مقالات ثقافة الهزيمة فى هذا الرابط:

www.ouregypt.us

إبراهيم محسن said...

فين التدوييييييييين
انتوا فييييييييييين
وحشتونيييييييييييي

Unknown said...

thank you

سعودي اوتو

Unknown said...


thx

كشف تسربات المياة
غسيل خزانات
شركة نظافة عامة

شركة الخالد للخدمات المنزلية said...

شركة الخالد للخدمات المنزلية
تقدم خدمات تركيب طارد الحمام بالدمام والمنطقة الشرقية بأقل الاسعار مع الضمان
نستخدم افضل المواد والاشواك التي نستخدمها لمنع الطيور من الوقوف علي منزلك اطلاقا
شركة مكافحة الحمام بالدمام
كما أن الخالد للخدمات المنزلية تعد افضل شركه تسليك مجاري بالدمام والمنطقة الشرقية متخصصون في تنظيف بيارات بالدمام وشفط بيارات بأحدث التقنيات الحديثة والأجهزة المستخدمة
شركة تسليك مجاري بالدمام