Sunday, April 29, 2007

البت امكانيات وعمايلها السودة

يوم الجمعة اللى فاتت كنت بشوف جرنال الاهرام وقريت طبعا المناشيتات العظيمة اللى كانت موجودة بمناسبة الخطاب التاريخى للريس علشان عيد العمال وطبعا مش عايزين نقول ان الكلام كله متكرر بقاله 26 سنه

انا ملفتش انتباهى غير حاجة معينة اما الريس قال

لو فى امكانيات هنزود المرتبات خمسين فى المائة كل سنة

كلمة لو فى امكانيات هى اللى لفتت انتباهى
طب هيا الامكانيات ديه راحت فين اختفت فين

طبعا بما ان الكلمة فيها تاء فى اخرها تبقى الكلمة ديه انثى
مين بقى ابن اللذين اللى مخبى البت امكانيات ديه عنده ميطلعها علشان خاطر الشعب يعيش
سعادة الريس يعنى تفتكر ان العمال الغلابة اللى كنت بتكلمهم مخبين الامكانيات ديه مثلا طب ما احنا دولة بوليسية وامن الدولة مالى البلد متخليهم يعسوا كده ويغطسوا غطسة كده ويبقوا بالبت امكانيات اللى العمال الحاقدين مخبينها وطبعا مخبينها علشان يبوظوا سمعة البلد ويهدروا محاولات الحكومة لرفع المرتبات طبعا ماهم فئة حاقدة على الشعب وميتمنوش الخير للناس
انا من على مدونتى ديه بطلب من وزير الداخلية انه يجند كل امكانيات الوزارة للبحث عن البت امكانيات علشان انا وصلتنى معلومات مؤكدة ان العمال بينقلوا البت امكانيات كل يوم من بيت لبيت علشان محدش يعرف مكانها وطبعا ده فى سرية تامة الخوف بقى لحد من العمال يكون لسه عازب ومثلا عنده اربعين سنة ومش لاقى فلوس يتجوز ومهدد ان المصنع اللى هوا شغال فيه يتخصص وبالتالى العامل ده هيطلع معاش مبكر وهوا لسه يا ولداه مدخلش دنيا اصلا ممكن يحاول يغتصب البت امكانيات فسايئ عليكوا النبى يا حكومة تحاولوا تنقذوا البت امكانيات من ايد العمال وترجعوها للريس تانى علشان يزود مرتباتنا
لحسن انتوا عارفين بقالنا ستة وعشرين سنة عمالين نقول الاصلاح والتقدم والاستمرار والمحافظة على العمال وميزان المدفوعات والنمو الاقتصادى والتعمير والنهضة الصناعية وكل الكلام ده مشفناش منه حاجة لغاية دلوقتى يعنى لو كنا فى حالة حرب كنا قلنا مفيش مشكلة اهى كل جهود الدولة موجهة للحرب والمفروض ان احنا نستحمل علشان الحرب لكن الاكادة ان احنا بقالنا ستة وعشرين سنة ومحاربناش ولا نيلة طب فلوس الدولة وكل محاولاتها ديه راحت فين يعنى ولا اتنيلنا حاربنا ولا اتنيلنا عمرنا وبقينا دولة اقتصادية
اتارى كل ده علشان الحكومة مش عارفة تعتر على البت امكانيات
والله الحكومة ديه نيتها حلوة هيا عندها الرغبة انها تزود مرتبات العمال لكن العمال هما اللى مخبيين البت امكانيات ومش عايزين يطلعوها

نداء خاص منى لامكانيات

وحياة ابوكى اظهرى وبانى نفسى مرتبى يزيد الضعف كل سنة
عايز اتنيل واتجوز بقى
بس المصيبة لبعد ده كله تطلع الحكومة تقول ان الزيادات ديه لموظفى الحكومة بس والقطاع الخاص لأ ملناش دعوة بيهم

77 comments:

قلب يحترق said...

هناك أنباء عن تهريب "امكانيات " علي متن طائرة خاصة للخارج و لازالت التظاهرات الشعبية قائمة لارجاعها و قد هددت الأحزاب المعارضة لحزب البتنجان الديمقواطي الحاكم بأنه في حين تأخر عودة البت " امكانيات " فانهم سيلجأون للمحاكم الدولية في حين أن الحزب الحاكم " نايم في العسل " ومتأكد انها " زنة دبانة و هتعدي " زي ما بتعدي كل مرة . و قد تقرر عدم ارجاع البت " امكانيات " تحت أي ظرف لأن الحزب عايز كدة
كان ذلك في نشرة أخبار التاسعة من التلفزيون المصري القناة الأولي

Rania Lelah said...

يا عم محمد
دوختنا
انت بتدور على البت امكانيات؟ و لا البت زيادات؟
اله
ما ترسى على بر
و على راى الريس متقال
يا بت بيقولك ابوكى متطلعيش فى القياله
كل العيون اما شافوكى بعتوا وراكى الخياله
و عجـــــبى
تحياتى

reri said...

إمكانياااااااااااااااااااات ... ما تردي يا بت ...محمد حسه إتنبح... ووراه سبعين مليون صوتهم منبوح... ده غير اللي ماتوا بعد ما بقوا بكم من كتر ما ندهوا عليكي.... إوعي تكون مخبيها عندك يا محمد... دور كويس ... هههههههههههه... بقولك إيه ... ما نعملها مقام ونروح نزوره يمكن تظهر... ههههههههه

سلاماااااااات ليك وللست إمكانيات

Ali Mahdi said...

شكرا يا محمد على زيارتك وتعليقك على مدونتى نورتها والله
بس انا مش عايزك تزعل نفسك جامد على البت امكانيات
انت عارف ان حسن النية متوافر عند الريس
بس المشكلة
ان البلد عايزة شباب
وفكر مختلف
عن فكر العشرينات
يعنى الموضوع مش للدرجة اللى انت قولت عليها

kaed said...

واللة الست إمكانيات عمرها ما حتردو لو ردت حتقولك ما كانشى بنعزر و لا يبيع جزر
هاهاهاهاهاهاهاهاهاها

محمد عبد الغفار said...

امكانيات تقضى يومها وتبيت فى احضان السلطة وعلى فراشهم

واحد من الناس::طارق:: said...

وجدوتهاااااااااااااااااااااا
لاقيت الهانم ..بنت الصون والعفاف .. الاهنم كل يوم بايتة فى قصر واحد من السادة الوزارء رجال الاعمال وقرايبهم وتابيعيهم
اصلها قرفت من الشعب الجربان دة وقالت لنفسها انا مكانى مع الناس الكبيرة النضيفة المستحمية دى .. انا ايه اللى يخلينى اعيش مع شاب لسة متخرج ولا مع موظف بيكمل لحد يوم 2 فى الشهر بالعافية .. ولا ايه الل يخلينىى اروح اعيش فى العشوائيات مع سيد حوكشة وابراهيم الدهل .
هى اختارت سكان القصور يا محمد ومش هاتخرج من عندهم ابدا

SomeOne said...

انا ح عترف يا باشا

انا اللي مخبيها عندي

:)

أميرة البلطجية said...

يا مسيو محمد فيه اخباغ ان مدموازيل امكانيات بتغوح بليل من وغا البابا بتعها تبات عند اونكل عز وانكل شاذلى وجغوب من الانونكلز التانيين
جو فوا (عطش الجيم والفه) انو البنت دي موش كويسة أشان كده بابا (عطش البه) موباغاك مش أوز الشعب بتاعه بتعغف عليها عشان اخلاكو مش تبوظ
ربنا يخليللكو بابا موبارك عشان بيفكغ في المسلحة بتاعت الانتو
تبعا انا مش الشعب ده
هههه
بلا نيلاااااااااااااااااا

Anonymous said...

امكانيات فى عداد الراحلين

وضريحها فى حديقة قصر السلطان

أسوور said...

مت من الضحك يا محمد
انت تحفة بجد
وسلملى ع الإمكانيات يا معلم
تحياتى

Ummah said...

ممكن متسمعش نداءك...أصل احتمال امكانيات تكون ماتت مع سبق الاصرار و الترصد.....!!!ا

The Alien said...

ياه ... أخيرا فهمت
طول عمري بسأل هو إيه اللي ناقص
بس الريس كتر خيره وضح كل حاجة
إمكانيات
بقي البت دي هي السبب ف كل اللي إحنا فيه؟
طب ما تشوفولنا وسطة
يمكن البت دي تعطف علينا وتظهر
بس تفتكر لو ظهرت الموضوع هيتحل؟
ولا هنكتشف إن البت قرارات ومعاها البت تنفيذات خدوا معاهم البت تشريعات ومشيت وراهم البت فتكات
وقبل ما يمشوا قتلوا البت زيادات

إنسي يامحمد
تحياتي

Memo said...

وكمان عايز امكانيات يعني مش كفايه شايلين 40% من المرتب ضرايب
لا ولسه باصص للامكانيات اخص عليك اخص مكنش العشم

safa7_karmooz said...

شوف يا حج محمد ...انا من كام يوم ...كنت قاتل عائلة كريمة ...كانت قاعده بتضايف واحده سبحان الله الخالق الناطق البت امكانيات ...مش عارف بقى

اذا كان راسها جه فى السكينة ...ولا اذا كانت هربت ونجت من المذبحة المعتادة ....

فانا هعمل محاولات اادورلك على البت امكانيات..بس موعدكش انى الاقيها حية...لان شكلها ماتت هى كمان...من سفاح برا النقابة ...:)

Esmeralda said...

ياخى حرام عليك
الحكومه حتقطع روحها يعنى
ماهم بقى لهم 25 سنه بيدورواعليها
اديهم كمان 50 سنه
حتنهب؟؟؟؟؟؟؟

محسوبتك من الساقيه

Amr Ahmed said...

طب وليه متقولش ان امكانيات

جمع مؤنث سالم

وكل واحدة منهم هربانة عند

واحد من اياهم

ولا عزاء للشعب

Unknown said...

هههههههههههه
انا عارفه مكان امكانيات بس مش هقول
ده سررررررررر
وطبعا قطاع عام بس
انت عندك شك في كده؟

الزعيـمة said...

بص يا محمد بما انك عندك 30 سنة
وامكانيات هربانة من 26 سنة
يباة مش ممكن تكون انت الهربتها لان وقتها كان عندك 4 سنين ومش حتكون الطفل المعجزة اليهرب امكانيات يعني مش امكانية واحده لا دي هيا ومامتها واختها الصغيرة نوسة

اطمن يا محمد طالما انت مش متهم
يباه متخفش وربنا حيظهر الحق


كلمة فى سرك ؟؟
شاكة ان مايكل هو المخبي الامكانيات
شكله كدا مدكن عليها هي ونوسة

بالمناسبة انا كمان ملاحظة اختفاء
حسن محمود صدقنا المشترك
ان شاء الله يرجع ويطمنا علية

وعلى فكرة باة البوست دا لذيذ جدا وعامل اسقاطات نيو لوك عظيمة

تقبلي ارق تحياتي

مصر هى أمى said...

قلب يحترق

ده كانت نشرة اخبار التلفزيون لمصرى ولا قناة الجزيرة

لان لو كانت نشرة اخبار القناة الاولى يبقى فيه امل انها تبقى قناة ديموقراطية وانها تقول الحزب الوطنى نايم فى العسل


ثم احنا شعب مفترى
البت امكانيات كان جايلها عقد عمل فى الخارج نقوم احنا قاطعين برزقها ونعمل مظاهرات عايزينها ترجع يعنى لا بنرحم ولا بنسيب رحمة ربنا تنزل
ما هيا لو فضلت عندنا الحكومة بتاعتنا هتموتها وتغسل عارها ازاى حكومتنا عايزة الناس مرتباتها تزيد انتوا بتستهبلوا ولا ايه

مصر هى أمى said...

رانيا

وغلاوتك عندى انا مبدورش على حاجة انا بس صعب عليا الريس اما كان عمال بيقول لولا امكانيات انا كنت زودت مرتباتكم

فا انا قلت اكتب بوست اناشد فيه امكانيات انها ترجع بيت ابوها وتسمع كلامه اما طلب منها متطلعش فى القيالة
والنبى انا نفسى متطلعش البت ديه من بيت ابوها خالص

مصر هى أمى said...

ريرى

اولا هيا لسه انسة فبلاش كلمة ست ديه انتى عايزة تلوثى سمعة الانسة امكانيات

والنبى يا بنتى الريس هوا اللى كان عايزها مش انا
انا راضى بحالى وساكت وكافى خيرى شرى

الريس ربنا يعمر بيته هوا اللى كان بيدور عليها
فا انا اتنفضت زى الغول وقلت ادور عليها معاه
ما هوا بردك ريسنا ولازم نساعده

انا مخبيها عندى لا والله طب فتشنى فتش
لا والنبى ما تيجى تفتشنى

Anonymous said...

على رأى واحد دخل عندى علق وجرى

أنتوا اللى بتشوهوا سمعة مصر يا أوغاد
اصبح الفضاء السيبرى مرتعا لكل نفس ضعيفة
تجاهلتم كل الانجازات
ونظرتم لنصف الكوب الفارغ
مثال سيىء للمدونين
يا مدسوسين

ألا هو النص المليان فيه اية؟؟
فكرنى كدة؟؟؟؟؟

نيااهااهااااا

مصر هى أمى said...

احمد مغازى

العفو يا سيدى انا مبسوط بمدونتك

انت بتقول حسن النية متوفر طب الستة وعشرين سنة دول بيعملوا ايه

انا مش فاهمك فى حكاية البلد عايزة شباب وفكر مختلف قصدك ايه

مصر هى أمى said...

قائد

احنا عرفين بس احنا بنعمل الللى علينا وبنساعد الريس

مصر هى أمى said...

محمد عبد الغفار

يعنى انت قصدك تقول ان السلطة هيا الللى مخبية امكانيات وبتضحك علينا و وعاملة نفسها بتدور عليها زينا
قصدك كده

خيانة خيانة

انا اضحك عليا يا رجالة وانا اللى صدقتهم وعامل بوست بطلب فيه من امكانيات انها ترجع

مصر هى أمى said...

طارق

وعاملى فالح ووجدتها

طب الناس الغلابة اللى زيي وزيك
وزى 80% من الشعب ده استفاد ايه من انها بتبات فى حضن الوزرا والكبار

طب ما هيا لو جت للناس الغلابة هيبقى معاهم فلوس ويستحموا وينضفوا وربنا على الظلم والمفترى اللى حرمنا من امكانيات

مصر هى أمى said...

شادى فايد


عليك اللعنة
عندك كل ده ومش عايز تقول

الى جميع ظباط امن الدولة امكانيات اللى الريس بيدور عليها عند شادى فايد
هجوم هجوم

واستحمل بقى يا فالح

مصر هى أمى said...

اميرة البلطجية

تصدقى انا كنت هزود فى البوست حتة كده كنت هقول فيها
ان الامل فى البحث عن امكانيات بجانب مجهود الداخلية
ان احنا نستعين باميرة البلطجية
انها تسرح صبيانها فى الحوارى والحتت الشعبية اللى الداخلية متقدرش تدخلها علشان تدور على امكانيات هناك

اتاريكى علرفة مكانها عند انكل عز وانكل شاذلى طب مش تقولى والله هما بردك غلابة وعايزين يزودوا ثروتهم بردك علشان يطلعوا من الاوائل على العالم فى الغنى

واهه هيجيبوا البطولة لمصر ويطلع اغنى واحد فى العالم من عندنا
ايه الحقد بتاع الشعب ده مش كده بردك يا اميرتى
سورى
اميرة البلطجية

مصر هى أمى said...

نبيذ

الله يرحمها وكمان ادفنت عندهم طب الفاتحة هتجوز عليها ولا لأ

على فكرة انتى قولتى كلمة كبيرة اوى
يعنى امكانيات ماتت وادففنت والريس ميعرفش

الصراحة راحة يا عينى وانت مبتعرفش

مصر هى أمى said...

ياسمين

انتى والله ليكى وحشة جدا
بس عموما الف مبروك مليون مرة

والله انا زيك اول ما قريت الجرنال اللى كان مكتوب فيه ان الحكومة بتدور على الامكانيات

طب اما هما ولاة امورنا ومش عارفين احنا بقى اللى هنعرف

مصر هى أمى said...

omas

ماتت الله يرحمها
بس انا عندى امل ان احنا نلاقى حد من نسلها يا اخوانا متسدوش الابواب فى وشى كده دا انا كنت جهزت الناقة والعتاد وقربة الماء وسطل اللبن
وطالع فى البيداء للبحث عن امكانيات

مصر هى أمى said...

اليان

حطمتنى يا راجل بقى قتلوا البت زيادات
ليه كده بس ليه

اديك فهمت متاخر يا سيدى بعد ما زيادات ماتت

عموما هكلمك السادة المسئولين يتوسطولك عند الحكومة انك تتعرف بالبت امكانيات
عارف ساعتها الحكومة هتعمل ايه
هتنضم لحركة كفاية وتقولك كفاية عليكم مرتبات لحد كده انتوا هتطمعوا ولا ايه

مصر هى أمى said...

ميمو

ازيك الاول 40% ضرايب ايه بس مش الحكومة عايزة تصرف وتقبض الموظفين طب يجيبوا منين لازم يخطفوا امكانيات ويتاووها كمان علشان نفضل طول عمرنا كده
وهوا لامؤاخذة ساعتك كنتى مستنية عشم من الحكومة ولا حاجة

مصر هى أمى said...

سفاح كرموز

انت اتجننت ولا ايه بتموت البت امكانيات اللى الريس بيدور عليها
انت وديت نفسك فى داهية خلاص

اذا كان راسها جه فى الكسنة ولا لأ
ايه ده يا ابنى انت بتموت بالجملة
طب ما انا عندى مهمة ليك خش على قاعة مجلس --- طبعا انت عارف انا قصدى ايه وهاتهم من رقابيهم كلهم متسيبش ولا واحد

مصر هى أمى said...

سفاح كرموز تانى

لا مؤاخذة انتوا عاملين كمان نقابة
يعنى علشان اشترك اجيب كام جثة معايا

واما اطلع معاش هتدينى النقابة ديه معاش فلوس ولا جثث

مصر هى أمى said...

محسوبتى اللى من الساقية وزميلة شركة سياحة

ازميرالدا

هيا الحكومة لسة ناوية تعيش خمسين سنة كمان
ولا هما هيورثوا امكانيات زى ما هيورثوا الحكم

مصر هى أمى said...

عمووووووووووور

جمع مؤنث سالم
هوا سعادتك هتبقى مدرس عربى ولا انجليزى
جمع مؤنث سالم يعنى بدل ما الشعب الغلبان ده هيدور على واحدة لا هيدور على كذا واحدة وكمان بايتة فى حضن الاكابر طب ها ناخدها من عندهم ازاى

مصر هى أمى said...

اسراء

عارفة مكان امكانيات

طبعا ما هوا سعادتك الحب الاول للباشا حد يقدر يكلمك ولا حتى يبق معاكى

قطاع عام بس حرام عليكى يا اسراء

مصر هى أمى said...

الزعيمة

يعنى لازم تفكرينى انى عندى 30 سنة لازم تحطمينى وتفكرينى بالحقيقة المرة

ثم انا طفل معجزة من يوم ما اتولدت

هوا انا كمان كنت متهم باختطاف امكانيات
برىء والله يا بيه
فعلا يا زعيمة انا قلقان على حسن محمود وربنا يستر ان شاء الله

مايكل اللى مخبيها
معتقدش لانه كان سهران معايا يوم الجمعة لحد اتنين بالليل فى وسط البلد ومجبش سيرة خالص
ربنا يخليكى
البوست حلو علشان سعادتك والتعليقات التانية منوراه

مصر هى أمى said...

شهروزة

انتم من الاوغاد
ايه الكلام الكبير اوى ده
والله الاهبل الللى كتبلك الكلام ده ميعرفش ان احنا بنحب البلد ديه اكتر منه مليون مرة

معلش مقدرش افيدك فى الموضوع ده لان الكوباية بتاعتى مكسورة مفيهاش غير النص الفاضى مش لاقى نقطة مية فيها

عموما اقتراح منى

قوليله هوا يقولنا على النص المليان واحنا نشوفة بس المهم يلاقى نص مليان

فؤاده said...

ايه يا عم محمد انا اتصدمت لما قريت الموضوع ده ، انت من امتى بتجيب في سيره بنات الناس ، ومش اي حد ده امكانيات شخصيا
وبتتهمها انها بتعمل كل العمايل ده

بصراحه هيه مش ماشية مع ناس كتير من الاخر ماشية مع اتنين تلاته في البلد بس
وبكل احترام وشرف
متظلمش بنات الناس يا محمد

Anonymous said...

وكأنك كنت موجود

هو دة بعينه اللى قلتهوله
قلتله انا حولة
مش شايفة الا الايد الشمال
اتكرم انت واحكيلى عن الايد اليمين

Layla said...

انت عايز ويز الداخلية هو اللي يدور على امكانيات....دة هو اللي خاطفها ومخبيها

عموما حتى لو موجودة....هيقولك المكانيات موجودة لكن الوعي الشعبي مش موجود

ولما يجيبوا الوعي..هيقولوا ان سبل الانفاق غير متوفرة وان الاقتصاد العالمي بيمر بمنعطف خطير واننا لازم نربط الحزام

كله كلام فارغ مفيش منه رجا...ربنا ياخدهم

شهيدة said...

ههههه

ايه الكلام ده يا محمد

انا بقيت أشك انك يعني انت وقعت في حب البت اامكانيات د

اعترف وقول

مش بعيدة تكون انت مخبها وبتقول كدة عشان تبعد الشبهات عنك

يا ناس يا هو

خلو بالكم من محمد
وراقبوه كوي

يمكن البت امكانيات معاه

هههه

انت علقت خلاص

خليني أفلسع قبل ما تولع

سلام

مصر هى أمى said...

فؤادة

اما هيا ماشية بكل احترام وادب متيجى ناحيتنا شوية ولا يعنلا علشان الناس التانية نضيفة دا حتى الناس التانية مش عايزنها عندهم الاخت محسوبية تكفيهم من اى حاجة

مصر هى أمى said...

شهروزة

وتفتكرى ممكن يلاقى ايد يمين ولا طبعا اتكسف على دمه دا لو كان عنده اصلا ده
ومدخلش عندك تانى

مصر هى أمى said...

مارفل

مبدا ربط الحزام مينفعش عندنا لان احنا مبقاش عندنا وسط نحط الحزام حواليها

اما الوعى الشعبى فكلامه صح الشعب بتاعنا كله ناس مبيفهمش حاجة وهما بس اللى بيفهموا وبيعرفوا
مش عارف امال ليه مش لاقيين امكانيات

مصر هى أمى said...

شهيدة

طبعا انا بحب امكانيات بس والله انا مش طماع خيا لو عندى هطلعها للشعب كله علشان يعيش
يا ستى يراقبونى ولا يعملوا اللى هما عوزينه مبقتش فارقة خالص

صاحب البوابــة said...

كالعادة

الجميع أصبح يريد الهروب من مصر

الشرفاء قبل الفاسدين

!!!!!!!!!!!!!!!!!!!

الشرفاء لأنه لا أحد يقدرهم هنا

والفاسدين لأنه لا أحد هنا يملأ عيونهم

فالشعب الجائع دائماً ما ينظر لهم

تحياتي اخي العزيز

واحب مقالاتك لإسقاطاتها السياسة

أسوور said...

اشكرك على التهنئة بعيد ميلاد الحلوة جنى
تحياتى

Anonymous said...

دى اول مره ادخل عندك بس الحقيقه الله ينور.بمناسبه ان مصر هى مامتنا كلنا مش ملاحظ ان ماحدش فينا عارف هى على ذمه مين دلوقت ومش يمكن تكون طفشت وسابتنا واللا تكون ماتت ومخبيين علينا علشان الورث؟بالنسبه لموضوع انك عايز تتجوز كنت عايزه اسالك انت بتقرا خيال علمى كتير؟

-_- said...

امكانيات قناة السويس اللى حققت ارباح السنة دي محققتهاش من 50 سنة

امكانيات البترول و الغاز الطبيعي اللى بيزيد كل سنة

الظاهر ان العيب فينا احنا مش في الامكانيات

Anonymous said...

ونبي لو لقيت البت امكانيات دلني عليها
عشان بقالي كام سنه بدور عليها و مش لاقيها
وسلامات

http://1minelnas.blogspot.com

مصر هى أمى said...

صاحب البوابة

اهلا بيك يا صددديقى انا مبسوط جدا ان مقالاتى بتعجبك

الشرفاء انا موافقك على كدده لكن الحرامية مصر بالنسبة ليهم مكان كويس جدا صحيح الشعب جائع لكن الحكومة عندنا سايبة للحرامية مجالات كتير جدا ممكن يسرقوا منها متقلقش على الحرامية هيعيشوا حياتهم فى مصر كويس اوى

مصر هى أمى said...

ياسمين

لا شكر حاف كده مينفعش
لازم الشكر بتاعى يكون ملفوف فى حتة تورتة وساندوتش بسطرمة وساندوتش جبنة رومى

مصر هى أمى said...

انونومنس

كومنت تحفة بجد اقعدت اضحك كتير جدا على جملة مصر ماتت ومخبيين علشان الورث
بجد تحفة

انا عندى امل ان مصر ممكن فى يوم من الايام تصحى من نومها لكن ماتت بدعى ربنا انها تكون محصلتش

بالنسبة للجواز وانه خيال علمى
حرام عليكى سيبونى احلم حتى الحلم عايزين تاخدوه منى

مصر هى أمى said...

شارم


العيب مش فينا احنا العيب فى الللى بيتحكموا فينا
ايرادات قناة السويس محدش عارف بالظبط بتروح فين تمن بيع الشبكة التالتة للمحمول محدش عارف كل الفلوس ديه اتصرفت فين ما احنا مشفناش حاجة اتغيرت فى البلد ولا اى حاجة بايظة اتصلحت ولا حاجة جديدة اتعملت
بالنسبة للبترول والغاز للاسف مصر بتبيع الغاز بتاعها برخص التراب وعمال تستهلك كل المخزون اللى عندها يعنى كمان كام سنة مش هنلاقى بترول ولا غاز
لمصلحة مين الكلام ده
معتقدش ان العيب فى الشعب الغلبان ده

مصر هى أمى said...

واحد من الناس

والله لو لقيتها لحطها فى قفص مش هخليها تخرج منه ابدا

micheal said...

البت امكانيات أكيد في سويسرا
و المعني في بطن الشاعر و الحدق يفهم
تحياتي لك

a7lam 3adya said...

البوست حلو اوى
على فكرة يا عادل من اربع سنين فى كل خطاب فى عيد العمال .. ابو جمال بيقول الجملة دى او ما شابهها .. يعنى بيفضل يزيد ويعيد وطبعا ده راجع للشيخوخة وامراضها وطبعا ده جزء من التخريف ومش كلها حاجة يقلها تصدق ..
امكانيات مين يا حاج .؟

على جنب كده تعال اقلك حاجة ... انت بالبوست بتاعك ده وسلاسته ومعناه فكرتنى باغنيه كده لمنير

الكلمة نجمة كهرباية فى الضباب
الكلمة كوبرى صلب
الجنى يا احباب ما يقدر يهدموا

دى كلمتك ... عادل .. برافو :)

Hannoda said...

طبعا انت اللي فهمت الريس غلط و ده غلطتك انت و انت المسئول عنها

هو أكيد يقصد إن في حال و جود إمكانيات تفيض عن طفاسة الحكومة و الكبار

يعني ما هو بتكلمش عن إمكانيات البلد بشكل عام لإن البديهي انها مش حق الموظفين طبعا,, لاعام و لاخاص.. ايه حانهرّج بقى؟؟

إفهم
من الآخر لما كله ياكل و يشبع.. ساعتها تتكلم على لإمكانيات

مصر هي أمك...؟؟ بس ماعلش البلد ده مافهاش وسايط أساسا

سيكولوبيا *حكايات من العيادة النفسية said...

هههههههههههههههههههههههه

بوست دمه خفيف

سهر الليالى said...

امكانيات دى بتدور عليها ازاى دى خيال يا محمد لا الحكومه تعرف طريقها ولالشباب يعرف لها طريق ولا حد فى البلد دى يعرف يوجدها تبقى كدبه كبيره او خيال مش موجود اصلا

Unknown said...

انا عن نفسى عرفت من مصدر مسؤل ان امكانيات ده مش اسمها الحقيقى و انها عميله فى جهاز الموساد و علشان كده مش هتظهر دلوقتى و ده كله فى ظل المؤامره الى بتتعمل على مصر و على العرب


هم يبكى و هم يضحك

واحشنى جداً يا صديقى و بشكرك على سؤالك الدائم عنى الفتره الى فاتت و كمان ميل النكت جامد جداً

تحياتى

bastokka طهقانة said...

اسكت مش الست امكانيات تعيش انت




اوروفوار

Amany Y. El-Saeed said...

دمه خفيف أوى البوست ده يا محمد...بصراحه...مش هقول تعليق أحلى من تعليق طهقانه
:)

مصر هى أمى said...

مايكل

هيا رخرة راحت سويسرا ليه هيا العالم اللى هناك مش لاقيين راخر
المصيبة لتكون الحكومة بتاعتنا بتحكم سويسرا برده فاستعانوا بالبت امكانيات هناك
يالا ما هوا برده السويسريين غلابة ومش لاقيين ياكلوا زينا برده

مصر هى أمى said...

حلم عادى

والله كل سنة نفس الكلام يتقال والله مكنتش اعرف طب دا مفروض الريس يحاسب الداخلية كلها ازاى كل سنة بيقول انه مش لاقيها والداخليم متقلبش البلد عليها

شيخوخة مين يا ستى دا اصغر منى دا حتى شعرى فيه كام شعراية بيض اما هوا فلأ
معنى الاغنية حلو اوى
حمد الله على سلامتك

مصر هى أمى said...

هنودة
والله من الكومنتات اللى جاتلى الظاهر فعلا انى انا اللى غلطان والظاهر فعلا ان امكانيات ديه الحكومة هيا اللى مخبياها علشان مرتب الوزير الغلبان هوا بس اللى يزيد خمسين فى المائة كل سنة
على رايك انا اللىفهمت غلط لكن الراجل كتر خيره بيتكلم صح

مصر هى أمى said...

مكتبة نيرفنا

شكرا ليكى اوى
شرفتى المدونة

مصر هى أمى said...

سهر الليالى

بس هوا الريس اللى قال عليها يعنى الريس بجلالة قدره ميعرفش انها مش موجودة اصلا

امال كان بيعشمنا ليه ويقولنا لو لقيتها هزود مرتباتكم
ولا يمكن بتوع الحكومة مخبينها ومش عايزين يقولوا للريس علشان مينفذش وعده

مصر هى أمى said...

whyme

صديقى العزيز
المشكلة ان نظرية المؤامرات نازلة ترف علينا يعنى هما بيتامروا علينا ليه هوا يعنى الناس لاقية تاكل كل الصفات اللى كانت كويسة فى المصريين راحت بقالنا 26 سنة كل حاجة كويسة بتموت يوم ورا يوم
احنا هنبقى عبء على اللى بيتامر علينا هوا مش محتاج بتامر اصلا لان احنا حطينا نفسنا تحت جزمته خلاص

اى خدمة على ميل النكت وان شاء الله هنظب خروجة قريب واياك تقولى انا مسافر ماشى

مصر هى أمى said...

طهقانة

ماتت
طب والسبعيم مليون واحد اللى مستنينها هيعملوا ايه يروحوا بنتحروا ولا ايه رايك

مصر هى أمى said...

امانى
شكرا ليكى والله وانتى مش عارفة انا قعدت اضحك اد ايه اما قريت الكلام ده فى الجرنال انه عايز يزود المرتبات بس المشكلة فى امكانيات
يعنى هوا احنا اللى مخبينها ولا حاجة

ibn nasser - ابن ناصر said...

ههههههه هنزوود ههلو في امكانيات ههههه
اقولك ..كلام في سيرك البت امكانيات مستخبيه في الجراج عندنا ...ايه مش مصدق تعالا ,,وبعدين قبل الخطاب ده الريس اجتمع بالعمال في خطاب تاني برضه ..واحد قالو يا ريس عايزين المرتبات تزيد ..الريس قالوه هاطووو فلووص وانا ازوطكم
...
تحياتي

واحد مصرى said...

وليه عين يقول امكانيات... يا اخي هؤة... ده احنا دولة بتتسرق من ايام الهكسوس و حتى لحظتنا هذه.... العيب مش على اللي سرقوا ثرواتنا و مستقبلنا و غد أبناءنا و بناتنا ... العيب علي سايبيين الحرامية احياء يررزقون متنطعون و مبرطعون .... ثوروا يرحمكم الله و لتكن الثورة ايجابية .... الاصلاح في زمن الفساد ثورة ... الاضراب المدني ثورة.... الثورة الصامتة على غرار ما فعله موهانداس غاندي او كما نعرفة المهاتما غاندي هي ثورة برضه .. على الرغم من كرهي لهذه الكلمة التي اعطاها الضباط الاحرار و مماراساتهم و فكرهم العسكري المحدود معنى سيء عكس نبل الفكرة ... دي ايه النيلة اللي احنا فيها دي؟