Monday, May 7, 2007

اسراء وتاجها التانى

طبعا التاج ده اتمررلى من فترة كبيرة من اسراء ولاقيتها بعتالى تهديد انها ممكن تعملى ارهاب وتدمر المدونة لو ما جاوبتش على التاج بتعها
فطبعا كان لازم اجاوب
وطبعا لسه فى ذمتى تاجين من عند
سمراء النيل
بس سمراء النيل مقدور عليها اصل هيا مش فاضية اليومين دول مشغولة بقى بالماجيستير

هل كنت طالب شاطر فى المدرسة ؟
بصراحة بصراحة لغاية تانية ثانوى كنت دايما من الاوائل على المدرسة بس ربنا ما يوريكوا فى ثانوية عامة اتعرفت على واحد كان عايد السنة قشطة بقى كل اللى معملتوش فى حياتى التعليمية عملته فى ثانوية عامة
ايه كانت احب مادة و اكره مادة ليك فى المدرسة والكليه ؟
فى المدرسة كنت بحب المواد الاجتماعية جدا ومع ذلك دخلت علمى وفى ثانوية عامة حبيت الفيزيا اوى
اكتر مادة كرهتها كانت الكيمياء
فى الجامعة محبتش ولا مادة مع انى فى مواد كنت بجيب فيها امتياز لكن محبتش ولا مادة

كنت عايز تطلع ايه وأنت صغير ؟
مش عايز اى تريقة ماشى
ماشى
والله اللى هيتريق مش هيحصله كويس
سواق تاكسى ومحدش يسألنى ليه والله معرف
هل تسعد عندما يمرر لك أحدهم تاجا؟
يمكن بفرح لما حد بيمررلى تاج لانى بحس انى مهم عند الشخص ده

هل مقدار سعادتك أو شعورك أيا كان - عند تمرير التاج لك يختلف حسب المدون الذي يمرر لك التاج؟
مبيختلفش على حسب المدون لان اكيد اللى مررلى التاج ده مدون علاقتى بيه كويسة وان احنا اصحاب فكده كده انا ببقى مبسوط بمعرفته مش على عشان خاطر التاج
هل تستمتع عند إجابتك عن أسئلة التاج؟
فى اسئلة بستمتع بأجاباتها وخصوصا بتاعت الذكريات

هل ترى للتاج أهمية حقيقية ؟
فى تاجات مهمة جدا لانها عرفتنى بشكل شخصى على بعض المدونيين وديه حاجة فرحتنى جدا
لكن المشكلة ان التاجات زادت جدا والواحد لسه فى ذمته تاجين غير ده
هل فكرت في عمل تاج خاص لك من قبل؟
يعنى انا بقعد ادعى على اللى بيمررلى التاج ومبرضاش امرر التاج لحد علشان ميدعيش عليا اقوم انا اعمل تاج
ليه هوا انا ناقص دعا عليا

هل تفضل قراءة أجوبة التاج عند المدونين الآخرين ؟
أم لا تهتم سوى بالتدوينات الأخرى فقط؟
لا طبعا بهتم انى اقرا اجوبة التاج عند المدونيين علشان اعرفهم اكتر
عندما ترد على التاج ما الذي تراعيه أكثر؟
انى اقول الحقيقة فعلا علشان اللى حابب انه يتعرف على شخصيتى يعرفها من غير تزويق او اى حاجة
إلى من تحرص على تمرير التاج؟
طبعا اصدقائى اللى على المدونات اللى بزورهم كل يوم لكن انا خدت عهد على نفسى انى مش همرر تاج لحد تانى لان فى ناس كتير مررتلها التاجات اللى فاتت ومردتش عليها فقلت مش همرر تاج لحد تانى
هل تحرص على قراءة اجابات من تمرر لهم التاج ؟
و هل تغير إجابتهم للتاج شيئا في ادراكك لهم ؟
طبعا بحب اقرا اجاباتهم على التاج سواء كنت انا اللى ممرره ليهم او لاقيته عندهم طبعا ممكن اجاباتهم تغير من نظرتى ليهم لان الاجابات ديه بتعبر عن الشخصية فلازم كل واحد يكتب الحقيقة فى اجابات التاج بتاعته
هل تلتزم حرفيا بأسئلة التاج ؟
اى نعم
ما هي نوعية التاجات التي تفضلها ؟
هيا التاجات كمان فيها نوعيات لا يا اسراء هانم اى تاج انتى ابعتيهولى وانا هارد عليه على طول اللي اتدبس يدبس, وعشان كده جه بقي الدور علي الناس اللي هندبسهم
طبعا المفروض انى امرر التاج ده لحد
بس بصراحة انا مش هممره اللى عايز يحله بتفضل ياخد التاج ويحله وبالهنا والشفا

20 comments:

ادم المصري said...

برافو عليك
.
.
تلاقي الواد دا نجح بعد كدا ودخل هندسة
صح ؟

big big girl...in a big big world said...

:)))))

جديده دى
بجد جديده و حلوه
سواق تاكسى
اجمل حاجه فى الطفوله ان تطلعتنا بتبقى بسيييطه و جميللله اوى
يمكن كان نفسك تلف فى الشوارع
فقلت ابقى سواق تاكسى

يعنى دلوقتى لما كبرت و تطلعاتك كبرت ممكن تحب تسوق طياره مثلا
و سعتها هتشارك حل ناس كتييير

:))

a7lam 3adya said...

هو شعور الاوائل ده بيبقى ايه؟؟؟ اصلى عمرى ما جربته بجد

وسواق تاكسى ؟؟ طيب حقق احلامك باه واهو بكرة تترقى وتسوق تاكسى العاصمة

الزعيـمة said...

مش قادرة اتخيل انك يا محمد تكون سواق تاكسي ابدا لانك طيب ودا معناتة حتوصل الناس كلها مجانا

اجاباتك حلوة بس معرفش ازاى كنت بتحب الفيزياء النزلتني لوحدها 5 فى المية وبقية المواد كلها السنتين ثانوي نزلت فيهم 3 فى المية

شكلك عبقري يا محمد
ربنا يوفقك وتحقق امنياتك

The Alien said...

أنا ملاحظ إن كل الناس بتبقي شطار لغاية سنوي
بعد كدا مش فاهم إيه اللي بيحصل
تلاقي الواحد مننا نزل لتحت ومجابش لفوق تاني

أحييك يا محمد
اللي عايز يجاوب ياخد التاج
كدا أحسن من نظام هتدبس مين

تحياتي

david santos said...

Thanks a lot, friend! My life is to exceed the barriers of the languages and to fight against the lie of the outlaws who make the wars, Bush & Cª

شادي فايد said...

كل تاج وانت طيب

:)

Amr Ahmed said...

ياعم كفاياك تاجات

دانت بقيت توت عنخ امون

fares said...

انا اسف علي عدم التعليق مقدما ارجو التضامن معي لقياده حمله عدم سب المصريين

micheal said...

ايه يا عم التاجات اللي بتتحدف عليك دي..أنا بدخل عندك و أنا تقريبا واثق أني حلاقي تاج جديد مبعوتلك بس جامده موضوع سواق التاكسي ده
تحياتي يا محمد

esraa said...

هههههه
أخيرااااااااااا
ألف مبروك
بس تصدق حلوه سواق تاكسي دي
بس فعلا ليه, اشمعني يعني
وأيوه كده حلو عشان أنا عليا شويه وعايزه احلهم وامررهم(((:

أميرة البلطجية said...

أمممممممممم
س: سؤال
ايه هو احلى تاج جاوبته في حيييياتك من يوم ما تولدت وكنت بتحل تاجات في الابتدائية والاعدادية؟
ج: جواب..طبعا مفيش احلى من التاج بتاع اميرة البلطجية
ميرسي اوي يا محمد..انا عارفة والله انه كان احلى تاج في حياتك
!!
ايه؟ بتزغرلي ليه وشعراتك وقفوا لفوق؟؟ انا قلت حاجة غلط
!!
باييييييي

شهيدة said...

سلام يا محمد

انا كدة زعلت

يعني لو أنت ما مررتليش تاج يبقى انا مش حرد عليه تطوع

لازم أحس اني متدبسة في الموضوع عشان أرد على الاسئلة ولازم طبعا أحسسك بالذنب انك بتحرجني كل ما بكون عايزة أرد على تاج منك
هههه

انت لازم تلاقي حل للموضوع ده

على العموم أجوبتك كالعادة حلوة أوي
وأكتر حاجة عجبتني حكاية سواق التاكسي
الطموح مش عيب
انا سمعت محمود سعيد "مقدم البرامج" بيقول ان حلمو كان يبقى زبال

يعني الشغل مش عيب كمان
ههههه

تحياتي

dyin_soul said...

ههههههههههههههههههه

حلوة دي سواق تاكسي

أشجع الفكر المختلف

عموما انا كمان فضلت لحد 2 ثانوي من الاوائل

بس بعد كدة عااااااااااااااااااا

الحمد لله علي كل حال

بس اجابات فل ربنا يوفقك و يسعدك

reri said...

سواق تاكسي .... ههههههههههههه... إشمعني ؟؟؟؟؟؟.... ياللا كل تاج وإنت طيب يا محمد

سلاماااااااااات

صاحب البوابــة said...

والله العظيم اضحكتنى للغاية فعلا

موضوع سواق التاكسي ده راااااااااائع

تحياتي اخي الغالي

ياسمين said...

تاج
تاج
تاج

يا طولة بالك على التيجان يا محمد
:)

Sampateek said...

:)
وئدت التاج

توتة توتة said...

انا مش هتريق عليك
اصل انا ابن عمي كان بيحب سواقة العريبات جدا و هو صغير برده كان نفسه يطلع سواق

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人