Sunday, February 25, 2007

مدونيييين

23/02/2007
هذا التاريخ من احسن الايام فى حياتى اتقابلت مع اصدقائى المدونيين كنا هناك فى قهوة البورصة فى وسط البلد طبعا شكر كبير وتصفيق كبير جدا لياسمين صاحبة مدونة
سكاى لايت لان ده اقتراحها وهيا اللى كانت بتنظمه
وبقول لياسمين مين عارف ممكن كمان كام شهر يبقى مؤتمر كبير وتكونى انتى رئيسة المؤتمر
وطبعا اتشرفت بمعرفة ناس كتير جدا ومختلف الاعمار كنت مبسوط جدا ان شرفنا
الاستاذ / حسنى سليمان صاحب مدونة
افنان وفنون
استاذ / حسنى فنان عظيم وعنده معلومات كتيرة اوى يعتبر موسوعة متحركة ومحسسناش ان فى فرق سن كبير بينا
وكمان شرفنا استاذ /
احمد شقير صاحب مدونة حكاوى اخر الليل وكنا مستمتعين بحديثه معانا وانه بيشجع الشباب الصغير علشان يكتب ويحكى عن نفسه
واخيرا شوفت انجى صاحبة مدونة
سمراء النيل اللى لقيتها عارفة كل المدونيين وكل المدونيين بيعزوها جدا
وبعدين شوفت بيشوى صاحب مدونة
اليان وبيشوى صاحب فكر عالى اوى يمكن اختلفنا معاه فى شوية نقط بخصوص الحريات لكن يفضل احترامنا ليه على تفكيرة الجميل
ايلارى صاحب مدونة
حد فاهم حاجة اللى حكلنا سبب تسمية مدونته بهذا الاسم وهوا شخصية محترمة جدا وهيكون مهندس ناجح ان شاء الله
وايمن
راسبوتين المدون اللى اسم مدونته طاغى عليه شوية
واسامة صاحب مدونة
الدبور الدكتور اللى جه من الاسماعيلة مخصوص وهوا من الشخصيات الكويسة اوى عيبه الوحيد انه مش بيشجع الاهلى
محمد حامد صاحب مدونة
فروزن لاف ده بقى حكاية من الحكايات مهندس وشاعر كبير وعنده فرقة بتغنى اغانيها من تاليفة حاجة كده كبيرة اوى
عمرو احمد صاحب مدونة
اريدك انثى مع انه كان اصغر واحد فينا الا انه مثقف جدا وكفايه انه اول واحد صور احداث المجزرة فى كلية تربية عين شمس
مايكل محسن صاحب مدونة
ميكليتو اللى يستحق تحية كبيرة علشان قعد ساعة ونصف بيلف علينا فى وسط البلد ومزهقش كل ده علشان يقابلنا
ابراهيم صاحب مدونة
انا وانا المؤلف الكبير اللى فرجنا على احدث اصداراته من الكتب وتشرفت بمقابلته
احمد الحداد صاحب مدونة
احمد اتش اللى كنت مبسوط بيه جدا على البوست بتاعه بتاع قصر البارون وكانت مفاجأة ليه انى اشوفه والاقيه شاب كويس اوى
وايهاب صاحب مدونة
ايجل بردهشاب كويس اوى وكان اكتر واحد مصر على انه ياخد اسماء المدونين كلهمواسماء مدوناتهم

استاذ / حسنى افنان وفنون - ايلارى حد فاهم حاجة

محمد حامد فروزن لاف - خالد صاحب محمد حامد - محمد عادل مصر هى امى - بيشوى اليان
ايهاب ايجل - استاذ / حسنى - ابراهيم انا وانا

ايمن راسبوتين


بجد انا فرحت جدا بكل المدونيين اللى انا شفتهم وكان يوم جميل جدا

ان شاء الله دايما

65 comments:

micheal mohsen said...

هييييييييي...أنا صاحب أول كومنت هنا...اية حكايتكوا بقي يا عم محمد..كلكوا شردتلولي أني تهت ساعة و نص قبل ما ألاقيكوا....هههههههه...ماشس أما أشوفكوا تاني...بس سيبك انت الواحد مستعد يتوة كل يوم بالساعات بس المهم في النهاية يقابل ناس محترمة زيكوا
في انتظار اللقاء القادم

ibn nasser - ابن ناصر said...

انشاء الله ربنا يجعل كل الايام جميله ,,,نفسي في يوم أجي انقد حاجه في البلد ملاقيش,, هاها انا عارف هاجي في الهايفه واتصدر بس يا ريت ...وشكرا

فؤاده said...

والله برافو عليكم ، اللقائات ده بتكون مفيدة وجميلة ،اهنيك يا باشا ، خلاص بقيت من المدونين الناشطين ، انا فخور بيك يابني المهم بس متنسناش لما توصل

على فكرة ، لو اتحايلتو عليه شوية ممكن اتنازل واحضر اللقاءات ده بعد كده

الرمز

hosnysoliman said...

محمد على باشا..عدوله
ابن الناس المحترمين زى ولاد البشوات بتوع زمان بس هو النهارده واحد من بشاوات هذا العصر..بشاوات الفكر والثقافه..سعدت بمعرفتك وزى كلكم ما قلتم انا حسيت انى عارفك من زمان اوشوفتك قبل كده ذلك ان القلوب لها فى حب من تعشق دليل..فى بوصله فى كل قلب بتدلك على من تحب..وانا بصلتى واضح انهااشارت اليك اسال الله ان يديم المحبه بيننا جميعا ويكون كله فى حب مصر اللى هيا امك وامى

AbdElRaHmaN Ayyash said...

:D بجد جميل اوي يا محمد
ما شاء الله
حاجه حلوه
وعجبتني الفكرة
لكن هنا مش عارف نقدر ننفذها وللا لا
المشكله ان في المنصورة رغم انها صغيرة الا ان المدونين مش عارفين بعض او مش متواصلين مع بعض اوي
لكن الفكرة جميلة والتنفيذ كان رائع
تحياتي
وسلام

Unknown said...

و احنا فرحنا بيك جداً و فرحنا افكارك المهذبه المنظمه و بطريقه دراستك و تحليلك للامور من منظور حيادى بحت

و اتمنى دايما رؤيتك بخير

تحياتى

raspoutine said...
This comment has been removed by the author.
raspoutine said...

محمد انا اسف انى كتبت الدبور انا اتغلغبطوالله لانى فى الشغل وكنت بعمل 5000حاجه فى وقت واحد


وعايز اقولك احذف التعليق الاولانى
وبقولك بجد انت انسان جميل ومرهف الاحساس
وسوألى هوا هوا ازاى شخصيه راسبوتين طاغيه عليا
انا عايز رد على السوأل ده فى مدونتى

وشكرا ليك وانا اسف على الغلطه اللى مش مقصوده

جبهة التهييس الشعبية said...

الحرية للعريف الوطني محمد خلف

Anonymous said...

مبروك يا عادل..
فرحان لفرحك... وافتكر دلقتى بقى عندك اصحاب كتير زى الفل اهم .ومرة واحد كمان

Amr Ahmed said...

مساء الفل

علي محمد باشا اللي زي العسل

البسيط شخصيا

واللي فكره عالي برضو

واهم حاجة ضحكته الجميلة

تحياتي يا باشا

إبـراهيم ... said...

كان أجمل بوجودك يا محمد يا عادل يا جميــــل



في انتظار اللقاء القادم زي مايكل


وعلى الله ألحقكم بقى !

مصر هى أمى said...

مايكل

خلاص ليك جايزة علشان انت اول واحد
احنا مشردنلكش ولا حاجة دا احنا كنا بنوصف على مجهودك العظيم علشان تقابلنا
يا سيدى احنا مستعدين نشوفك كل يوم بس ناقبل واحد زيك محترم وعقبال متلاقى شغل كده اهى تشريدا تانية

مصر هى أمى said...

ابن ناصر
يسمع منك ربنا وعايزين نشوفك المرة اللى جاية

مصر هى أمى said...

فؤادة
الله يبارك فيك يا رمز طبعا ده كله بتعليمات سعادتك وبتوجيهاتك
على فكرة الجملة اللى فاتت علشان لو اتمسكت فى امن الدولة تكون معايا

المرة اللى جايه هاتيجى غصب عنك مش بمزاجك

مصر هى أمى said...

الاستاذ الكبير / حسنى سليمان
انا مش عارف اقول ايه بعد الكلام العظيم ده عنى ربنا يخليك
ان شاء الله بصلتك هتفضل ناحيتى على طول بس المهم انى اكون جدير بيها

ربنا يديم المحبة بينا

مصر هى أمى said...

عبد الرحمن
شكرا يا باشا على فكرة اسامة صاحب مدونة الدبور من الاسماعيلية وجه مخصوص
ممكن المرة اللى جاية تيجى تشرفنا فى القاهرة
والفكرة فعلا جميلة وخصوصا لو شفت ان احنا خدنا على بعض بسرعة

مصر هى أمى said...

whyme
شكرا يا جميل وزى ما انت شايف ان الناس كلها شكرت فى افكارك وطريقة حوارك بس كل ده مش هيديلك حقك كله
انت من الشخصيات الكويسة اللى الواحد قابلها

مصر هى أمى said...

راسبوتين
يا باشا اى تعليق ليك عندى يشرفنى وكفاية انك افتكرتنى

اما بخصوص شخصية راسبوتين فحاضر هارد عليك فى مدونتك
وابقى شرفنى دايما

مصر هى أمى said...

جبهة التهييس الشعبية

الحرية للعريف الوطني محمد خلف
الحرية للعريف الوطني محمد خلف
الحرية للعريف الوطني محمد خلف
الحرية للعريف الوطني محمد خلف
الحرية للعريف الوطني محمد خلف
الحرية للعريف الوطني محمد خلف
الحرية للعريف الوطني محمد خلف
الحرية للعريف الوطني محمد خلف
الحرية للعريف الوطني محمد خلف
الحرية للعريف الوطني محمد خلف
الحرية للعريف الوطني محمد خلف

مصر هى أمى said...

واحد من الناس
شكرا ليك اوى ونفسى تحضر الاجتماع اللى جاى وتتعرف على الناس الكويسة ديه
وهافكرك بالاجتماع المرة اللى جاية علشان تحضر

مصر هى أمى said...

عمووووووووور
شكرا ليك يا جميل وبصراحة انت من احسن الناس اللى شفتها وفرحتنى بجد انى الاقى شباب بيحب البلد ديه زيك وعقبال ما تلاقى الانثى اللى انت بتدور عليها

مصر هى أمى said...

ابراهيم معايا
الف شكر
وان شاء الله هتكون معانا المرة اللى جايه علشان اللمة
الحلوة تكمل بيك

halwasa-masrya said...

اااااه يا خونة

( عمرو - اريدك انثى ) حسابنا بعدييين

The Eagles said...

ازيك ايييييييه اخبارك
اليوم بجد كان رائع وانت كنت خفيف الظل وكلام كان مموتنا من الضحك
انا كل ما افتكر السينما بتاعتك دى اللى حكيتلنا عنها اموت من الضحك والحمام بتعها ولما فتحت الباب واتخضيت وهما قالولك انت جاى هنا تعمل ايه؟
ههههههههههههههههههههههههههههه
لا بجد اليوم كان جااااااااامد جداااااااااااا
اكيد هنشوف بعض تانى قريبا


والسلام..........

مصر هى أمى said...

هلوسة

معلش ياباشا سماح المرة ديه والمرة اللى جاية هفكرك
وسامحى عمرو اريدك انثى

ثم انا خاين ماشى يا نانا
قلبى وربى غضبان عليكى ليوم الدين

مصر هى أمى said...

ايجل

الحمد لله انك اتبسطت معانا يا جميل وان شاء الله دايما
هنشوفك المرة اللى جاية ان شاء الله

hosnysoliman said...

محمد على باشا عدوله الجميل
دى عايزه كلام دا انا اللى يكون لى الشرف انك تكون من احب اولادى لى على الاقل اتباها بيكى واقول الواد ابن الناس ده ابنى وفى اى خناقه اتدرى وراك انا عارف انك ما لكش فى الخناقات ولكنى اتكلم عن الخناقات الادبيه الجبيب محمد عادل انتى تامر وانا تحت امرك فى اى وقت واى شىء وده ياسيدى الايميل بتاعى
hosny44@yahoo.com
hosny45@hotmail.com

أسوور said...

أخيرا بوست منك عن اللقاء

بوست جميل زيك يا محمد
وانت كنت بسمة اللقاء والله

وأنا هتابع افكارك الجميلة اللى كلها حماس

وما تنساش اننا من برج واحد
:))))

Unknown said...

فى اطار حرص سمــــوى على تشجيع المدونين الجدد


فانا قفشـــــت واحده من المدونيين الجدد و عايزكم تبقوا تزوروها

و مدونتها اسمها
askurself
و الرابط بتاعها
http://gm-16.blogspot.com/

تحياتى و الى يقفش حد جديد يبقى يقولى

الدبور said...

لسه علي اتفاقنا و لا ايه اول ماتنزل عندنا تقولي علي طول
عندك التليفون وعندك المدونه و عندك الايميل
وبعدين انا كنت عاوز سالك يعني ايه لوجستيك دي اصل وة انت بتقولها لقيتهم كلهم هزوا دماغهم فقلت يمكن المشكله عندي انا فقلت ابقي اسالك بعدين
ودايمامنورني
تحياتي
الدبور

-_- said...

والله فرحانلكم اوي و الصور زي العسل

أميرة البلطجية said...

جميلة اوي فكرة انكوا تتقابلوا دي بعد مدة طويلة من المعرفة عبر السطور
اكيد كان احساس حلو
عقبال اللقاءات الجاية ان شاء الله

مصر هى أمى said...

استاذ / حسنى سليمان

ده شرف ليا يا استاذنا انك توافق وان شاء الله هرجعلك فى اى نقاش ادبى لازم هكون محتاج لرايك
m_adel2000@yahoo.com

مصر هى أمى said...

ياسمين

معلش بقه اتاخرت شوية بس والله عندى شغل كتير

صحيح احنا من برج واحد لكن انتى بتحبى السمك وانا مبحبوش ده الاختلاف اللى بينا بس انا ممكن احب السمك علشان خاطر الزعيمة
ان شاء الله الافكار بتاعتنا هتطلع للنور قريب

مصر هى أمى said...

whyme

هنتابعها يا جميل تنفيذا لاوامر سموك

مصر هى أمى said...

الدبور عندى
ايه الهنا اللى انا فيه ده كده انا ممكن اموت وانا مرتاح

طبعا يا جميل معايا التليفون اون شاء الله اول ما اجى الاسماعيلية هكلمك

بخصوص سؤالك انا رديت على المدونة بتاعتك

مصر هى أمى said...

شارم

اوعى المرة اللى جاية متكونش معانا هنزعل اوى ولمعلوماتك اغلبية جابوا فى سيرتك بخصوص البوست الرائع بتاع الجيش

مصر هى أمى said...

اميرة البلطجية

النا مكنتش من انصار ان المدونيين يتقابلوا وكان راى ان المدون مفروض محدش يعرفة علشان يكتب براحتة بس بعد كده اكتشفت انى مخطىء
بعد المقابلة ديه اتعرفت على ناس زى الفل وافكار حلوة كتير

عايزين نشوق اميرة البلطجية المرة اللى جاية ماشى

Amr Ahmed said...

mohamed how r u

plz contact me at
casper_miro18@hotmail.com

islam yusuf said...

وجودكوا فى عالم التدوين اجمل شىء
كانت فين الناس الجميله دى

micheal said...

محمد..ابقي غير لينك مدونتي اللي عندك عشان أنا استقريت علي مواصلة التدوين من خلال مدونتي التانية اللي بكلمك منها دلوقتي..فقط اعمل كليك علي مايكل و أنت حتشوفها..أنا حاطط لينكاتكوا فيها و عملت بوست عن لقائنا فيها
تحياتي لك

مصر هى أمى said...

عمرو
i am fine
you can contact with me at

m_adel20000@yahoo.com
mohamed_adel_28@hotmail.com
مستنيك

مصر هى أمى said...

اسلام يوسف
الف شكر ليك والناس المدونيين الجميلة اللى اتعرفت عليها كانوا احلى حاجة فى الاجتماع ياريت تيجى معانا المرة اللى جاية

مصر هى أمى said...

مايكل
انت تأمر يا جميل
وانا دخلت عندك وسيبت تعليق كمان اى خدمة

شهيدة said...

سلام يا محمد ازيك؟
أولا أنا غشيت ودخلت النت بس مش حكتب في المدونة الا لما أخلص، أصلي بتحدى نائل.. أو بحاول أتحداه هههه
المهم انا وعلانة أوي منك يا محمد يعني عشان أنا في لبنان ما بتدعونيش للقاء زي ده وانت عارف انا بحب مصر أد ايه ونفسي أروحها أد ايه

يللا سماح المرة دي
ويارب تبقى دايما مبسوط

raspoutine said...

برضو مجاوبتش على سوألى يا باشا


ايمن فاروق

مصر هى أمى said...

شهيدة

اولا احنا قلنا ان احنا نسيبك لغاية اما الامتحانات تخلص علشان الامتحانات اهم من المدونة والتدوين

تانى حاجة احنا نفسنا تشرفينا فى مصر وساعتها هنعمل اجتماع خاص ليكى هيكون عنوانة الرئيسى حزب الله علشان انا حاسس انك احسن واحدة بتتكلم عن حزب الله يمكن احسن من الموقع الرسمى بتاعهم

لازم تكونى معزومة وتحكلنا عن اهل الجنوب والمقاومة

انا عايزك تكسبى نائل فى التحدى وتهتم بالدراسة وبعدين ابقى شرفينا فى مصر
معلش سماح المرة دى

انا الحمد لله مبسوط انى شوفت المجموعة الحلوة اللى انتى شوفتيهم فى الصور

وعقبال ما نشوفك فى الاجتماع القادم ان شاء الله

مصر هى أمى said...

راسبوتين

انا مقدرش اتاخر عليك يا زعيم

هرد عليك فىالمدونة بتاعتك زى ما طلبت

أُكتب بالرصاص said...

حلو قوي

انا كان نفسي أجيي..
بس ظووف المواصلات

المهم
كل سنة وانتم طيبين

smraa alnil said...

اولا ياريت صورتي تتشال لو سمحت
دة مبدئيا لاني طلبت عدم تصويري وان لو تصادف وطلعت يبقي مش تتحط


بالنسبة بقي للحقد اللي جواكم اني اكون عارفة كل المدونين وان هما بيعزوني جدا
ههههه
مش هتبطلوا الحقد الطبقي دة بقي

المهم انت اخبارك ايه

بيجاسوس المصرى said...

كل ما اتمناه من الله عز وجل اننى اكون معاكم المرة الجاية لانى بجد نفسى اتعرف عليكم واحد واحد
يمكن تلقيت دعوة من سمراء النيل بس مكنتش اقدر اجى لظروف خاصة

و اتمنى الشهر القادم اكون معاكم
تحياتى
بيجاسوس المصرى

مصر هى أمى said...

اكتب بالرصاص

ظروف المواصلات برده
ماشى نعديها المرة ديه كده
المرة اللى جاية تعمل حسابك تبات ادام القهوة
ماشى

مصر هى أمى said...

سمراء النيل

اولا انا معرفش ان سعادتك طلبتى عدم تصويرك او وضع صورتك على المدونة

تانى حاجة ده مش حقد طبقى ده اسمة حسد وغل مالى قلوبنا من ناحيتك علشان الناس المدونيين كلهم بيعزوكى اوى واحنا لأ

مصر هى أمى said...

معتز بيجاسوس
انتى فين بقالك مدة كبيرة مختفى واحنا نتمنى نشوفك المرة القادمة

Unknown said...

أنا مبسوطه اوي عشانكم
بجد يابختكم, ده طبعا مش أر, عشان انت عارف الناس الحلوين اللي زي مش بيعرفو يحسدو حد (:

مصر هى أمى said...

اسراء
طبعا الناس الحلوين اللى زيك مش ممكن يعرفوا يئروا

احنا ممكن نعمل اجتماع فى بورسعيد علشان نشوفك بس ده اهم حاجة
انتى نورتينى بقالك فترة مجيتيش عندى ومتقطعيش الزيارة بعد كده

واحـــد مـــــن الـنـــاس said...

كان نفسي اكون معاكم وان شاء الله هنتقابل
ان شاء الله

مصر هى أمى said...

واحد من الناس

ان شاء الله تكون معانا المرة اللى جاية وتنورنا

Anonymous said...

وانا كمان كان نفسي اكون معاكم ياريت تبقي تشرفني علي مدونتي وتكتب ليه

شهيدة said...

سلام يا محمد

أنا خسرت التحدي

ما قدرتش أبعد عن المدونة

:(

Ahmad Hegab said...

بجد عايز اقولك انك من احسن الناس اللى
عرفتم فى حياتى و قدام لما تعرفنى اكتر حتعرف انى عمرى ماجملت حد

تحياتى

مصر هى أمى said...

فارس
ان شاء الله تكون معانا المرة اللى جاية

مصر هى أمى said...

شهيدة

كده هتشمتى نائل فيا وعلشان احنا كنا متراهنيين على انك هتركزى فى دراستك الفترة ديه

رجاء خاص اهتمى بالدراسة الاول لمصلحتك فى المقام الاول وعلشان ميحصلكيش مشاكل فى البيت بسبب المدونة وبعد الدراسة ارجعى للمدونة براحتك وهنكون سعدا جدا بمقالاتك

مصر هى أمى said...

احمد حداد
وانت كمان والله من الشباب اللى انا حبيتهم جدا وحسيت ان مصر لسه فيها ناس كويسة ومحترمة
وكفاية انك عاشق تصوير زيى

ياريت نكون اصحاب دايما