Wednesday, January 24, 2007

رسالة الى الوالى


















سيادة اللواء / حبيب العادلى وزير الداخلية

انا شاب مصرى اعشق تراب هذا الوطن ارسل هذه الرسالة اليكم واتمنى من الله ان تقرأها وتستجيب لها

سيادة الوزير ارسل هذه الرسالة بخصوص 180 طالب بجامعة الازهر الذين تم اعتقالهم بدعوى انهم من الاخوان وبعيدا عن الاستعراض العجيب الذى قام به هؤلاء الطلبة وبعيدا عن اعتراضىعلى هذا الاستعراض لانه مش وقته فكلنا نعرف ان الاستعراض فى الاصل كان عرض لمدة 6 ساعات منها فنى وثقافى ودينى ورياضى ولان الاعلام وامن الدولة اما صدئوا يلاقوا حاجات غلط يمسكوها على الاخوان علشان يضربوا فيهم ويتم تضخيم الموضوع بالصورة اللى احنا شايفنها وبتوع الحزب الوطنى اما صدئوا علشان يوجهوا ضربة لجماعة ال88 بتوع مجلس الشعب وطبعا سعادتك عارف اللى حصل بعد كده كل ده مش مهم وبرضه مش مهم حربكم ضد قيادات الاخوان لانهم سواء كانوا صح او غلط فهم عارفين هما بيعملوا ايه المهم عندى الطلبة الغلبانة اللى مرميين فى المعتقلات بتاعة امن الدولة وطبعا حضرتك عارف ايه اللى بيحصل فى المعتقلات

الاب اما ابنه بيغلط ما بيقتلوش ولا بيرميه فى السجن انما بياخده فى حضنه ويعرفة ايه الغلط

اعتبر ان هؤلاء الطلبة ولادك وغلطوا واتصرف معاهم على هذا الاساس حرام نرمى طلبة متفوقة علشان انهم غلطوا الطلبة ديه ضحية حربكم مع الاخوان ملهمش ذنب ممكن يكون اضحك عليهم وممكن يكونوا على حق ايه المانع لما تقعد معاهم وتتناقش معاهم والصح فيكم يقنع التانى مش ده احسن من الاعتقال

الطلبة ديه بتحب مصر ( على فكرة انا معرفش ولا واحد منهم ) بس ده احساس فبدل ما تحبس 180 طالب وتحولهم الى 180 ارهابى بسبب الاعتقال ده ممكن بسهولة تقعد معاهم واعتبرهم اولادك وارحم 180 اب وام واسرة

افتكر حاجة واحدة ان دول مصريين زيك هما مش اعداء

سيادة وزير الداخلية وسيادة رئيس مباحث امن الدولة وسيادات ظباط امن الدولة افتكروا انهم مصريين زيكم وبنى ادميين ممكن يكونوا صح وممكن يكونوا غلط

افتكروا حاجة اهم من كل اللى فات انكم هتقفوا امام الله يوم القيامة ولوا عذبتم حد فيهم ظلم ربنا هوا اللى هايخدلهم حقهم وطبعا عذاب ربنا اكبر من اى عذاب تانى واخشوا يوما ترجعون فيه الى الله

ان الله حى لا يموت ويمهل ولا يهمل

الطلبة ديه عندها امتحانات وبلاش كلام احنا جبنالهم ورق ومذكرات علشان يذاكروا هما فاضين يذاكروا ولا يضربوا من الظباط حرام نضيع مستقبا 180 شاب زى الورد علشان انتوا عاوزين تضربوا جماعة الاخوان ومعتبرينها عدوكم الاول

صدقنى ال 180 طالب دول ممكن يطلع منهم ارهابيين يضروا البلد بسبب الاحساس بالظلم

من فضلك حس بأحساس اهل ال 180 طالب

MUHAMMAD ADEL




26 comments:

Anonymous said...

خليك فى فى الاكل يا محمد يا عادل و بلاش تكتب كل و بس , كل كتيير , كل و أنسى أجيبلك حتة باتية و سيبك من الى مالكش فية.

مصر هى أمى said...

مساء الخير يا صديقى انا طبعا بحب الاكل كتير جدا بس انا والله مش فارقة معايا حرب الحكومة مع الاخوان انا كل اللى هاممنى الطلبة ديه وانا كنت بناشد الوزير بصفته اب مش بصفته وزير

فؤاده said...

بصراحة يا ع م انا مش فاهم ايه الجو اللي انت عامله ده ؟

اب ايه ومصريين ايه وحضن ايه ، وعلمه الغلط ايه بس ؟

انت موجه الرساله ده لوزير دولة ايه بالضبط عشان اكون عارف بس ؟؟

مصر هى أمى said...

يا عم نائل انا قلت يمكن يكون بيحس زينا
عارف ايه الحل ان احنا نجيب حكومة مستوردة يمكن يعاملونا كويس

جبهة التهييس الشعبية said...

يا حبيبي

أنا عرفت إنك طيب من اسم المدونة

مصر هي امي

إن شاء الله الحبيب العادلي ما يسمعش نداءك عشان يسيبك في حالك

esraa said...

ندائك جميل بجد, بس للأسف ماينفعش هنا والأب ده مش من دول, تفتكر يعني انه مش عارف
أقولك حسبي الله ونعم الوكيل.

أمـــــــاني said...

جميل يا محمد إنك تحس بناس إنت متعرفش حد فيهم...بس معتقدش إن رأيك ممكن يعمل حاجة للأسف...في ناس كتير نادت قبلك و لا حياة لمن تنادي...أنا رأيي في الموضوع ده كلمتين...مش قادرين ع الحمار فبيشطروا ع البردعه

مصر هى أمى said...
This comment has been removed by the author.
pegasuselmasry said...

مدونتك جميلة و المهم ان تكون مواضيعك دائما لصالح بلدنا التى ضاع حقها فى ظل غياب المبدئ وانتشار الفساد

مصر هى أمى said...

جبهة التهييس الشعبية

انا طيب علشان البلد ديه طيبة
متستاهلش كل اللى بيحصل فيها وشكرا على انك خايفة عليا وشكرا على انك دخلتى المدونة بتاعتى وياريت نبقى اصحاب

اسراء
طبعا الوزير ده عارف بس انا قولت اهه يمكن ينفع بس الظاهر ان مفيش حاجة نافعة

امانى
كلامك جميل اوى ومدونتك حلوة اوى لازم الواحد يحس بغيرة ( ان الله فى عون العبد ماكان العبد فى عون اخيه ) بس ليا سؤال تقصدى مين بالحمار معتقدش انك تقصدى جماعة الاخوان

واهلا وسهلا بيكم فى مدونتى واستاذنكم
انى اضيفكم فى
favorites عندى
ممكن

مصر هى أمى said...

معتز شكرا جدا وان شاء الله مش هخيب ظنك بس معلش هاستأذنك ان البوست اللى جاى مش هيكون عن الحكومة ولا البلد لان فى واحدة صديقة عزيزة عليا طلبت منى ان مكتبش فى السياسة فترة علشان الحكومة وانتى عارف ان الراجل اليومين دول لازم يسمع كلام الست

الزعيمة said...

احييك على حبك لمصر التستحق كل حب وتقدير لانها بلد الحنية حتي لو كان فيها شوية حرامية

ندائك جميل وانساني ورغم اختلافي مع الشباب العملوا استعراض الازهر دا
الا انى شايفة الخوف مش منهم
الخوف من الوراهم وبيوجههوهم
واتمنى ان يفرج عنهم ويتم توعيتهم بشكل صحيح

والمفروض يتفبض عليهم بتوع الاخوان
القالوا قبل كدا ظز فى مصر والفيها
عايزين يولعوها ويخربوا فيها اكتر ماهى خربانة


ارق تحياتي لك

مصر هى أمى said...

زعيمة اهلا بيكى فى مدونتى
انتى نورتى المدونة
طبعا مصر بلد الحنية كفاية انها مستحملة الحكومة كل ده
اما بالنسبة لطلبة الازهر فانا معاكى انهم مضحوك عليهم علشان كده قولت للوزير اقعد معاهم واتكلم معاهم
اما بالنسبة لانتقادك للاخوان انا معاكى انهم مش كل حاجتهم صح بس مننكرش انهم الجهة الوحيدة اللى وقفت ضد الحكومة ثم لو فرضنا انهم قالوا طز فى مصر طب ما هوا رئيس الوزاراء المصرى قال فى امريكا ان المصريين ناقصين الاهلية علشان يحكموا نفسهم
وشكرا على تحياتك

وله نهايه said...

تم فصلهم يابني سنتين
الموضوع مطبخ وجزء من عمليه سياسيه بدات بايمن نور ومش هتنتهي بالاخوان والهدف منها قمع اي معارضه

مصر هى أمى said...

وله نهاية
طبعا ان زعلان عليهم بس هما برضه يستحملوا جزء من الغلط علشان مفكروش فى العواقب و الصدام مع الحكومة فى وقت هى بتتلكلهم على اى غلطة

أمـــــــاني said...

للأسف...إعتقادك غلط

ياسمين said...

والله قلت كل اللى كلنا عاوزين نقوله

بس هتعمل ايه أكثر من كدة

هى دى الحكومة

مصر هى أمى said...

امانى
الاخوان مش وحشيين اوى كدة افتكر هيكونوا ارحم شوية من الحكومة

مصر هى أمى said...

ياسمين انتى نورتى عندى نفسى فعلا يكون عندنا حكومة تسمع للشعب يالا على راى المثل مفيش فايدة

الدمعه said...

انا بجد بحيك على روحك الحلوة وحبك للوطن نادراً ما نجد مثل هذة الروح الان ويا رب يتحقق مرادك وشكراً جدا على زيارتك

أمـــــــاني said...

محمد...الحكومة برغم كل البلاوي إللي فيها مبتدخلش في عقائدنا...بتمارس إللي يخصها من إقتصاد و سياسه وغيره...مش بتفرض فكر ديني على الناس و تتعامل مع غير معتنقيه على إنهم كفار أو ضالين...و للأسف الفكر الديني ده هو الإسلام إللي صورته إتشوهت من كتر الخوذعبلات إللي بطلع عليه...إللي نعرفه من أيام الرسول (ص) إن الإسلام دين واحد ملوش فروع...مسلم يعني مسلم...ممكن يكون مش ملتزم أو حتى مسلم بالوراثه فقط...بس حتى ده ميكفرهوش...ناس كتير فاهمه الإسلام غلط...وللأسف بيكرهوا ناس أكتر فيه...هو الإرهابي ده يا محمد لما بيروح يقتل أرواح بريئه مش بيقول إنه بيعمل كده في سبيل الله...لما بيسرق...مش بيحلل الأموال المسروقه دي لنفسه عشان يستخدمها في تدمير أرواح أبرياء عشان هم كفره...لمجرد إنهم ممكن يكونوا في مراكز مرموقه...أو عندهم تلفزيون أو دش...أو مش محجبين أو غيره...مش بيعمل كل ده في سبيل الله...هو ده سبيل الله يا محمد؟؟؟أنا مبقولش الإخوان إرهابين...بس بقول إنها طائفه بتحاول تعمل كيان لنفسها بعيد عن باقي المسلمين...و ياريت عندهم جديد...هم برضه مسلمين...بس يا ترى هيفضلوا كده؟؟؟
معلش طولت عليك...بس موضوع الطوائف ده بيموتني؟؟؟ممكن تقرا بوست "علاقه شديدة الخصوصية" في مدونتى

kaed said...

يابنى دى عالم معندهاش دم و لا دين و مش فارقة معاهم ال180 طالب دول يطاعو إرهابيين و لا أى حاجة المهم المحافظة على الكرسى أكبر فترة ممكنة

مصر هى أمى said...

امانى
انا هارد عليكى بس معلش استنينى شوية لانى عندى شغل كتير جدا اليومين دول ومعنديش وقت حتى اعمل الحاجة الوحيدة الممتعة فى حياتى وهيا انى اكل

قائد
انتى فعلا عندك حق الحكومة ديه مش مهتمة بغير الكرسى والتوريث

فؤاده said...

ايه يا عم محمد ، اغيب يومين الاقي الناس بتخبط في الاخوان كده

اماني الاخوان مش كده وعمرهم ما حاولو يعملو طايفة لوحدهم ، واضح ان انت عمرك متاعملتي مح حد من الاخوان وبس بتسمعي عنهم من الاعلام الحكومي

مصر هى أمى said...

نائل معلش ياباشا هيا متقصدش وانا رديت على امانى فى المدونى بتاعتها فى بوست اسمه علاقة شديدة الخصوصية متخافش يا نائل وراك رجالة

Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影