Wednesday, July 4, 2007

اجازة طويلة

صباح الخير
معلش اتاخرت عليكوا اوى وبقالى كتير مدونتش حاجة ولا كنت بعلق عند اى حد بس والله كنت مطحون فى الشغل بطريقة غريبة ولسه لغاية دلوقتى بس بالعافية خدت يوم اجازة بعد ستين يوم شغل متواصل من غير اى اجازة ولا حتى الجمعة لدرجة انى كنت بشتغل كل يوم اكتر من 17 ساعة مكنش عندى حتى اى وقت اشوف اى مدونة او اعمل اى كومنت فمعلش اعذرونى انتوا عارفين القطاع الخاص والشغل فيه عامل ازاى
طبعا مكنش ينفع ارجع من غير ما اهنى كل الاهلوية بالفوز المستحق بكاس مصر ومعلش يا زمالك هوا ده قدركم انكم دايما تاخدوا المركز التانى ممكن بعد خمسين سنة كمان تفوزوا على الاهلى مرة تانية
شكرا لكل الاصدقاء اللى سألوا عليا سواء فى الكومنت او الايميل او فى التليفون ربنا يخليكوا وهوا ده برده العشم والاصحاب اللى الواحد طلع بيهم فعلا من المدونة
مرة اخيرة انا اسف جدا على التاخير فى الرد على الكومنت اللى عندى وهحاول ارد عليها قريب ان شاء الله
ولو اتاخرت تانى فى الكتابة اعذرونى لانى لسه عندى شغل كتير اوى

63 comments:

Anonymous said...

أولا حمدلله على السلامة
أما ثانيا بقى
فممكن ما تتأخرش علينا كدة تانى علشان بجد بتوحشنا
ربنا يعينك يا جميل

Amr Ahmed said...

اييييييييييييييييييه

حمد الله علي السلامة يا باشا

ربنا يعينك

ابقي طمنني عليك

انت مأجز ولا ايه

The Alien said...

كدا الناس هتفهم إنك واخد أجازة طويلة من الشغل
والحقيقة إنك واخد أجازة من التدوين
وإن أجازة الشغل يوم واحد
بس أتمني الدنيا عندك تهدي شوية وترجع بسرعة
وبعدين أنا رأيي زي ما هو
إنت تترفد وبلاش وجع دماغ
صحتك بالدنيا يا باشا

إشتغل كويس
تحياتي

Egypt Rose said...

حمدلله على السلامة .. ياه ده حصلت بلاوى وانت مشغول .. وحشتنا ووحشتنا تعليقاتك يا ابن مصر

شوف برنامجي الانتخابي ولو عجبك هعينك وزير العمل علشان ترحم الناس من الشغل الطويل المرهق

micheal said...

حمد الله ع السلامه و مبرووووووووووووك للاهلي
تحياتي لك

Anonymous said...

الف حمد لله على الشلامة يا محمد والحمد لله اننا اطمنا عليك
وربنا يعينك على الشغل وترجع للمدونة بسرعة


والف مبروك للاهلى

bondoka

reri said...

حمد الله علي السلامه يا محمد
أنا برده كنت منقطعه فتره طويله
لسه راجعه
مبروووووووك طبعا للأهلي اللي هيفضل بطل رغم أنف البتاع اللي إسمه الزمالك
:)))))

سلامااااااااااااااات

بيجاسوس المصرى said...

حمد لله على السلامة
و ربنا معاك
و اوعى تتاخر علينا تانى

أميرة البلطجية said...

انا برضه قلت نهاية السنة المالية ولازم حيبقي وراك شغل كتير
كان شهر صعب فعلا..والشهر ده برضه فيه شغل (اصل انا عندي بكمل على الناس اللي بتقفل السنة اللي خلصت)..يله مش مشكلة..حمد الله ع السلامة وكل سنة مالية وانت طيب
:)

Unknown said...

ياسيدي المهم انك كويس

لأننا فعلا كنا بدأنا نقلق عليك

وربنا يوفقك في شغلك يارب (:

Unknown said...

ربنا معاك يا صاحبى

احنا مقدرين و عارفين ان مش هيغيبك عننا الا الشديد الاوى



تحياتى و تبقى تطمنا عليك

صاحب البوابــة said...

حمد لله على السلامة

تحياتي وننتظرك سريعاً

Rania Lelah said...

حمدلله على السلامة يا محمد
و ربنا يعينك
تحياتى

قومى الى الابد said...

ولا يهمك يا عمنا وعودة حميدة باذن الله

hosnysoliman said...

حمدلله على السلامة محمد باشا وانا لسة راجع من كام يوم

Layla said...

ربنا يعينك انشاء الله...وحشتنا موضوعاتك

ibn nasser - ابن ناصر said...

فوز مستحق ايه حرام عليك ده زي مجلس الشوري كده ..
بلد الفكر الواحد
النادي الواحد
الحزب الواحد
الحاكم الواحد
ااااااااااااااااااه
حرام بقي

..
تحياتي

شهيدة said...

الله يعطيك العافية يا محمد

معليش الحياة الأيام دي صعبة وشاغلانا أوي معاها

أنا كمان بقالي فترة ما بدخلش المدونة الا لدقايق ولا بكتب فيها حاجة جديدة

امتحانات ومشاغل وكدة

الله يعطيك العافية مرة تانية
ويارب تلاقي شوية وقت ترتاح

سلام عليكم

Ahmad Hegab said...

منور يا ريس

Unknown said...

محمد لما تفضي يعني
براحتك والله
ابقي حل التاجين اللي انا دبستك فيهم (:

فؤاده said...

على يدي
الواد ده كان مسحول فعلا الفترة اللي فاتت
ممن يبقى تاني اكتر واحد بيشتغل بعدي

يلا يا عم
الرمز اداك المركز التاني
مفيش حد قدك

Hannoda said...

يااااه

أخيرا مدونتك فيها بوست جديد

ماشي يا عم.. محدش زعلان طبعا
لكن أكيد الكل مشتاق لكلامك

ربنا يقوّيك و مستنيين بوست من بوستاتك الجامده
:)

وطبعا ألفين مبروك للأهلوية كلهم .. يوم الماتش كان نفسي أنط على إسكندرية من الفرحة
مبروك
وحمد الله على السلامة

Anonymous said...

واضح انك أهلاوي
وواضح كمان إنك بعدت عن البلوجر لفترة
أما الأهلي فمبروك له ولو ان الكره خلاص - شأنها شأن حاجات كتير - مابقاش لها طعم وبعدين بعد خمسين سنة الزمالك هيكون هدوه وبنوا عليه مساكن لمحدودي الدخل وحديثي الزواج.
يا معلم أكيد تعرف إن الحكاية بقت فلوس وبزنس ولا عزاء للفقراء.
حمدا لله على السلامة
والتحية والسلام
مصري أصلي تجميع القاهرة

Anonymous said...

على فكرة ماشي ياعم تلاقيك حوشتلك ييجي خمسين ستين ألف على أقل تقدير.
أنصحك تتجوز بيهم وهذا أفضل إستثمار صدقني
أصلي تجميع القاهرة

Egypt Rose said...

الحااااااااقني .. شوف طبيعة التعليقات على المدونات .. شوف عملوا ايه في الرجل .. بنتكلم على الاختلاف!!!!!!!!!!

صاحب البوابــة said...

مررت لأقرأ الجديد لك

فلم اجد

!!!

تحياتي

ibn nasser - ابن ناصر said...

يا عم انتا فين كتاباتك وحشانا

تحياتي

سكوت هنصوت said...

عذرا للمقاطعة
نحتاج الى رأيك ودعمك في حملة القضاء على المخدرات انتظرك هناك
www.tw3ya.blogspot.com

-_- said...

الاجازة طولت اوي يا باشا

أسوور said...

حمد الله على السلامة يا جميل

سهر الليالى said...

حمد لله على السلامه
وربنا يعينك على الشغل وحاول ترجع للتدوين بسرعه
تحياتى

Anonymous said...

مش كفاية أجازة بقى ما زهقتش ولا ايه
انت وحشتنا أوى يا جميل
اظهر و بان عليك تاجات كتييييييير
ادفع اللى عليك بقى

بجد عايزين نقرا حاجة جديدة ليك
ربنا يعينك يا جميل

hosnysoliman said...

محمد باشا انت وحشنى جدا وربنا معاك ونفسى اشوفك فعلا

Unknown said...

غيبتك طولت يا ابو حميد

بجد وحشتنا و عايزين نشوفك

تحياتى

Unknown said...

أيه يا ابنى عايزين نشوفك
على فكره الزعيمه بعتتلى ميل و بطمنكم عليها و هيه كويسه و الحمد لله
المهم نطمن عليك انت بقه

تحياتى

frozen love said...

حفلة الصحبجيةالرابعة وعيد ميلادها يوم الاتنين الجاي 10 \9 \2007
بجد يا جماعة نفسي كلنا نتجمع اليوم ده..بقالنا كتير قوي متجمعناش وكل واحد مشغول في حاجة...مستنيكم يومها الساعة 8 بساقية الصاوي"قاعة الحكمة...

hosnysoliman said...

محمد باشا كل سنة وانت طيب ورمضان كريم اعاده الله عليك بالصحة والعافية والسعادة

Unknown said...

يا ريت تيجى الحفله يا صاحبى
بجد عايزين نشوفك



تحياتى

Unknown said...

كل سنة وانت طيب

ورمضان كريم(:

micheal said...

رمضان كريم
تحياتي

Ahmad Hegab said...

ايه يا عم الحاج

انت فييييييييييين

Anonymous said...

السلام عليكم ورحمة الله
حمد الله على السلامة
مدونتك أكثر من روعة.. احسدك على امتلاكها .. تهانئى

أرجو أن تضيف مدونتى فى لينكاتك , لنكون أصدقاء
مدونتى هى

المدونة الخدمية

* تهتم بالمدونات العربية من حيث الشكل والمظهر الخارجى *
* تتقدم للمدونين العرب باقتراحات لتطوير مستوى مدوناتهم *
* نقدم خدمات مجانية للمدونين العرب مثل قوالب تصميمية للمدونة بالإضافة إلى سكريبتات مثل آخر الأخبار , عدادات الزوار وغير ذلك *
*يوجد فيها قسم دايركتورى لاشهار المدونات وتبادل اللينكات *
تساعد المبتدئين على حل المشاكل التى قد تواجههم *
دروس ومتابعات للمبتدئين فى مجالى التدوين والتصميم *

آسف جدا على الإطالة ولكنى
أرجو أن يتسع لى صدرك .. وأرجو أن تقبل طلبى

والله الموفق

المدونة الخدمية
http://free-blog-serv.blogspot.com

أسوور said...

فينك يا عم

كل سنة وانت طيب

bastokka طهقانة said...

رمضان كريم

micheal said...

رمضان كريم

Anonymous said...

Miss you awyyyyyyyyyy
tamenna 3leik

Best of luck

frozen love said...

enta feen ya 3mna

wa7shny gdan..dana 2t3t ghebty we rg3t..enta feen b2a?

nour el 3ozamaa said...

السلام عليكم ادعوك لزيارة مدونتى الجديده و تشوف قصيدة مبارك يا من ذا الذي في مصر الجديده

شكرا

nour el 3ozamaa said...

كل عام وانتم طيبين بمناسبة عيد الفطر المبارك وانشاء الله نصلي صلاة العيد الجاى في المسجد الاقصي وتكون القدس متحرره

تحياتى لكل عظيم وعظيمه

Unknown said...

كل سنة اونت طيب
ويارب يكون عيد سعيد عليك(:

NOHA said...

يا ترى امتى هتكتب تانى
ما هو دى الطريقة الوحيدة دلوقت اللى ممكن نتكلم معاك بيها

على فكرة انا عرفت انك كنت فى بورسعيد من يومين كدة و ماعدتش على الشركة .

عموما برحتك بس ابقى افتكر ان انت ليك اخوات فى بورسعيد تسأل عليهم مش دى شهامة ولاد مصر و لا ايه

شهيدة said...

سلام يا محمد

ازيك؟

ايه الغيبة الطويلة دي؟

مش معقول يعني تغيب كل الفترة دي من غير ولا بوست

لازم نتطمن عليك

تحياتي

Unknown said...

تفضلوا بزيارة مدونتي الجديدة
http://archimanager.blogspot.com
عمار جرار من فلسطين

MerMaid said...

حمد الله علي السلامة

انا اخدت موقع مدونتك من مدونة مايكل
جميلة جدا

ربنا يبارك لك

اتمني زيارتي في مدونتي الحديثة

السينيور said...

حمدا لله على السلامة

وربنا يوفقك يا رب

تحياتى

واحد مصرى said...

ده انتا عندك شغل كتير اوي

دمت بخير

micheal said...

aloooooooooooooooooooo

Unknown said...

كل سنه وانت طيب يا كبيررررررررررررررررررررررررررررررررررررررررررررررررررررررررررررررررررر

Anonymous said...

كل سنة و أنت طيب يا محمد
و يارب العيد الجاى تكون حققت كل اللى تتمناه

ياريت تطمناعليك
غيبتك طالت أوى يا جميل
ربنا يكرمك دايما

Unknown said...

كل سنة اونت طيب

ويارب يكون عيد سعيد عليك

(:

reri said...

ياااااااااااااااه
يا محمد
دي كلها غيبه
طولت أوي
كل سنه وإنت طيب
في إنتظار العوده

سلاماااااااااااااات

Anonymous said...

Happy New Year ya gameel w happy birthday to your blog. need to read to you soon. we must celebrate the event :)

Don't b late ba2a
take care

Unknown said...

أخلاقنا...اسلامنا
إيمانا منا بأن حال العالم ...لم ولن ينصلح... إلا بالاسلام
وإيمانا منا بأن اسلامنا...لم ولن ينصلح ...إلا باأخلاق
اتفقنا...أو وفق الله بيننا ...لتكوين أول حملة للأخلاق...لتحقيقها...والسمو بها...والعمل بها بإذن الله
...................
من نحن
مجموعة من الشباب ...أهمهم حال أمتنا...وعروبتنا...وأوطاننا
فوفق الله بينناعلى الإجتماع على هذه الحملة...ولنطلقها حتى تصل إلى عنان السماء...علها تشفع لنا يوم القيامة
وبإذن الله ... سوف نعلن في البوست القادم عن المدونات والمواقع التي تدعم هذه الحملة
...................
وقد تم بحمد الله إنشاء مجموعة أخلاقنا إسلامنا البريدية على
yahoo groups
وسننشر بها ان شاء الله ما يتم انزاله من مقالات وفعاليات الحملة
وللاشتراك في الحملة...اضغط على الرابط التالي
http://groups.yahoo.com/group/akhlakona/
Group Email Addresses
Related Link
http://groups.yahoo.com/group/akhlakona/www.ana-insan.blogspot.com