Saturday, March 10, 2007

مدونيييييين للمرة التانية

اصدقائى المدونييين للمرة التانية نتقابل المرة ديه رحنا الاوبرا وكان اجتماع جميل جدا طبعا كنت رايح وانا طمعان انى الاقى عدد اكبر من المرة اللى فاتت لكن اتخضيت انى لقيت العدد زاد لحد ما وصل الى 56 مدون ومدونة وان شاء الله دايما فى ازدياد طبعا كان لازم اروح انا وبيشوى اليان فقابلته امام الاوبرا ودخلنا مع بعض وقابلت ابراهيم معايا واستاذنا الكبير حسنى سليمان افنان الفنون وطبعا كان لازم نقابل ايمن راسبوتين وكان هناك شادى فايد وبعد شوية جه صديقى العزيز طارق واحد من الناس وتوالى وصول المدونيين الاخريين والميزة الكبيرة هوا الحضور النسائى الكبير اوى من المدونات
طبعا العدد ده كان عايز سيطرة كبيرة اوى من ياسمين سكاى لايت اللى كانت اكتر واحدة متحدثة وطرحت افكار ومواضيع كتيرة جدا وكانت هناك الانسة الرائعة انجى سمراء النيل اللى طرحت فكرة ان احنا لازم نوجه جهودنا وطاقاتنا ناحية الملاجأ ودور المسنيين ونحاول نعمل زيارات اسبوعية ليهم
وطبعا كان لازم يستعينوا بيا فى السيطرة على المدونيين طبعا باعتبار انى ارفع مدون كان موجود 145 كيلو بس فكنت بقوم انظم المدونيين وترتيب المدونيين اللى عايزين يطرحوا رؤيتهم للاجتماع ده وبعد كده جه الاستاذ القدير احمد شقير حكاوى اخر الليل واصدقائى المدونيين اللى حبيتهم من اللقاء السابق فروزن لاف وعمرو اريدكى انثى واحمد حداد احمد اتش وايلارى حد فاهم حاجة وميكليتو والمدون الاسماعيلاوى اسامة الدبور اللى مش عايز يكون اهلاوى وايجل المدون الرائع اللى تعب جدا علشان ياخد الحضور بتاع المدونيين
وطبعا كان لازم فى النهاية انى اقول كلمة للمدونيين واشكرهم على حضورهم الكريم واستجابتهم للدعوة بتاعتنا بالحضور واطلب منهم ان كل المدونيين ييجوا فى حفلة محمد حامد فروزن لاف اللى عاملها فى ساقية الصاوى يوم الثلاثاء 8 مساء وان شاء الله الحفلة هتكون حلوة جدا
وشكرا لكل المدونيين الجدد اللى شرفونا بالزيارة واللى مقدرتش اتواصل معاهم بسبب العدد الكبير اللى كان حاضر
الوحيد اللى كان نفسى اشوفه من كتر كلام المدونيين عنه ومن قرايتى للمدونة بتاعته هو
محمد عبد الغفار صاحب مدونة فى العمق مكان
للحرية ياريت نشوفة المرة اللى جايه

الناس اللى جات اهى

اى حاجة بقى::انجى

منغبرة شوية ::سالمة صلاح
Bogus :: white seagull::
http://tota-tota.blogspot.com/
من الآخر::دوللى::
http://looly-looly.blogspot.com/
سهر الليالى::amany::

بيكيا … روبابيكي::هانى جورج::
http://bikya.blogspot.com/
واحد من الناس::طارق::
http://1ofthepeople.blogsome.com/
مصر هى امى::محمد عادل::
http://misr-hya-omi.blogspot.com/
احدهم::محمد مصطفى::
http://a7ad.blogspot.com/
مش عارف::عبد الرحمن مجدى::
http://mesharef.blogspot.com/
وجــهــة نــظــــــــــر:: MoHaMeD HoSSaM::
http://newmido26.blogspot.com/
اريدكى انثى::عمرو احمد::
http://oredoky-ontha.blogspot.com/
طرطشة افكار::سفاح كرموز::
http://meshmesh5000.blogspot.com/
افنان الفنون::استاذ حسنى سليمان::
http://hosny45.blogspot.com/
ahmEd_H::احمد الحداد::
http://alien-besho.blogspot.com/
نظارتي السوداء::شادى فايد::
http://shidwik.blogspot.com/
NonSense:: Ramy Emil::
http://ramyemil.blogspot.com/
حاجه صغنونه.. من غير فذلكه::وينكى::
http://pinsywinsy.blogspot.com/
نجمه فى السما::وينكى::
http://day-light.blogspot.com/
انا وانا::ابراهيم ..معايا::
http://anaweana.blogspot.com/
حد فاهم حاجه؟::ايلارى ::
اصغر مدون - وتحدي::عــيل شــقي
ياقوت
http://tona5000.blogspot.com/
frozen love::محمد حامد::
http://m-rashed.blogspot.com/
لسعة دبور::اسامة::
http://dabbor.blogspot.com/
مصـ( الخير )ـعب ::مصعب::
http://kelmetfagoumy.blogspot.com/
لا تنتظر احدا .. فلن ياتي احد::LAMIA MAHMOUD::
http://lamiaamahmoad4810.blogspot.com/
i a dead man talkin to u from my grave::الهوارى:
http://fromgrave.blogspot.com/
أهلا بك في كوكب الأرض::shady::
http://shadytommy.blogspot.com/
انظر حولك في غضب::إبراهيم::
http://hearttrainer.blogspot.com/
بنت سعد::ايمان سعد::
http://bent-sa3d.blogspot.com/
في عمــــــــق الحيـــــــاه::ادم المصرى::
http://3mkelhyah.blogspot.com/
أنا إللي بالأمر المحال أغتوى::Amira Hassan::
http://amirahass.blogspot.com/
مش فارقة نتكلم::احمد فؤاد::
http://ahmedfouadeldin.blogspot.com/
ليـــــه يا بنفـســـــــــج ..؟::Bassma::
http://bassama.blogspot.com/
يا صبر ايــــــــوب::ايوب::
http://ayoubelmasry.blogspot.com/
Tahyees ..::ايهاب على::
http://ihapology.blogspot.com/
مداراتى::bassem el shazly::
http://just-amira.blogspot.com/
michealitoo::مايكل::
http://tigress-diaries.blogspot.com/
حكاوى اخر الليل:: استاذ احمد شقير::
http://shokeir.blogspot.com/
skylight ::ياسمين::
http://amyasser.blogspot.com/
راسبوتين::ايمن فاروق::
http://raspoutine1.blogspot.com/
The eagles::ايهاب::
http://hoba28.blogspot.com/
NaDoOoOoOoO::نادين::
يارب دايما نجتمع على خير على طول
وشكرا مرة تانية للى شرفونا فى هذا اللقاء
انا واخد اسماء المدونيين ومدوناتهم من عند طارق واحد من الناس فليه كل الشكر وكمان ايهاب ايجل اللى عمل المستحيل علشان يجنع اسماء المدونيين

52 comments:

smraa alnil said...

هههههههههههههههه
يدينا ويديك طولة العمر عقبال ما وصلت لاخر الليستة بتاعات المدونين

وبعدين ايه الانسة الرائعه دي

رائعه بس
مش في شوية كلام كتير عني كدة

وحاجات
وتفنن في مميزاتي التي لا حصر لها
اخس عليك
اكمنك عارف انا اد ايه متواضعه

هههههههههههههههههههههههه

بس اكيد يا باشا استعنا بيك لانك ارفع واحد فينا
وليك سلطة في الحكم

انا اللي بشكرك بجد علي اليوم دة
ومش هنسي انك الملهم بتاعي في الاقتراح اللي قلته

بس تعالي هنا
انا قلت زيارة شهرية مش اسبوعية

المهم هشوفك هناك في الساقية ان شاء الله

frozen love said...

انا مش عارف بجد اقولك ايه...من قلبي بقولك شكرا يا محمد


انت مش متخيل انا طول الطريق وانا مروح عمال اقول..هو لسة في حد كده...انت عملت كل ده عشاني وانت يدوب لسة عارفني

بجد مش عارف اقولك ايه..كلمة شكرا مش كفاية والله


اولا شكرا على الاعلان وسط المدونيين والاعلان بتاع دلوقتي...وعلى فكرة مش كنت تصبر على رزقك
lol

والله انا كنت ناوي اكتب عنك في بوست الصحبجية اللي هاكتبه النهارده..اللي هة اعلان طويل عن الحفلة..وكنت هاقول اني الصحبجية مش بس ال 12 دول

لا ده في ناس معانا بقلوبهم ومساعدتهم...بجد شكرا يا محمد
وربنا يخليك ليا

ادم المصري said...

محمد الجميل

باشكرك من قلبي والله

علي فكرة انت من الناس اللي شوفتهم وحبيتهم علي طول

تحياتي ليك مرة تانية

الدبور said...

توضيح بخصوص البوست بتاعي اللي عمل قلق وزعل ناس مني انا بحترمهم وبحبهم
تم توضيح وجهه نظري في بوست منفرد
اقراه وقولي ليا رايك ؟
رايك يهمني

تحياتي
الدبور

الأباصيرى said...

حرام عليكم

بلاش كدة..أنا نفسى أحضر معاكم

عااااااااا

ياريت تخلوا اللقاء الجاى فى الكويت
:)

Mohamed A. Ghaffar said...

عزيزى

متشكر اوى على انك فاكرنى ونوها عنى ومهتم تشوفنى ، مشاعر حلوه اوى سعيد بيها جداً
كنت من الحضور لكن ظروف طارئة حالت دون ذلك
بإذن الله اكون موجود المره القادمة

Mr.GEMYHOoOD said...

انتوا شكلكوا بتهزروا

صحيح يا كباتن كان فى لقاء للمدونيين

و الثالث بسكون الثاء

يااااه

انها حقا أقدار السماء

عذرا ما حدش يرد عليا هنا علشان فعلا هاتوه و مش هاعرف ارجع المدونة دى تانى

:S

الزعيـمة said...

جميل جداااااا
كان نفسي اكون معاكم بجد
وفعلا كنت ناوية اجي بس كنت مضايقة شوية ومزاجى مش مظبوط فقولت مش معقولة اول مرة يشوفونى يلقوني متعكننة كدا

بس ان شاء الله يا محمد
نحاول نلتقي مع الناس الجميلة دي

مصر هى أمى said...

سمراء

بصراحة عندك حق وانا عمال اظبط فى اللستة عمال اشتم فى ايهاب ايجل لانه عنده امانة اوى كتب كل الاسماء بذمة كان ممكن يقول الدفتر اللى فيه الاسماء ضاع منه وخلاص

الانسة الرائعة ديه اقل حاجة ممكن اقولها انا مردتش اكتب اكتر من كده لحسن الناس تفتكر انى بعاكسيك ولا حاجة
وبالتالى ممكن اوقف نصيبك مع الرجالة وابقى انا السبب

على العموم اه ولا تزعلى نفسك

----------------------------
انجججججججججججججى كانت احسن واحدة موجودة
-------------------------------

ماشى كده يا باشا

رنبا يخليكى انا الملهم بتاعك فى الاقتراح ده بس ولا فى كل حاجة
ههههههههههه

يا ستى زيارة شهرية او اسبوعية المهم ان احنا نتحرك
هاشوفك فى الساقية ان شاء الله

مصر هى أمى said...

فروزن لاف

اولا مفيش حاجة اسمها انك تشكرنى ولو شوفت الكومنت بتاعى عندك هترف ليه لانك بتفكرنى بنفسى زمان

يا ابنى فى ناس كده واحسن منى كمان البلد ديه لسه فيها خير كتير والله
الشكر الوحيد اللى انت تعملهولى ان الحفلة تكون حلوة ماشى يا جميل

مصر هى أمى said...

ادم المصرى
شكرا ليك
وان شاء الله تكون معانا دايما

مصر هى أمى said...

الدبور التوضيح وصل يا باشا واحان منقدرش نزعل من اى حاجة انت كاتبها

مصر هى أمى said...

الاباصيرى

حرام عليك عندكوا فى الكويت وايه رايك يكون فى شهر يوليو الساعة 2 الضهر فى الشارع علشان المدونيين كلهم يسيحوا من الحر وبالتالى الحكومة عندنا تخلص من كل المدونيين

مصر هى أمى said...

محمد عبد الغفار

اخيرا يا باشا علقت عندى وانا كان نفسى اشوفك والله ربنا يجمعنا على خير ان شاء الله

مصر هى أمى said...

جيمى هود
صحيح كان فى اجتماع ثالث

بس ليه يعنى محدش يرد عليك عندى وانك هتوه علشان تيجى تانى معتقدش انها غلطة انك جيت عندى

على العموم يا سيدى عايز تيجى او مش عايز انت حر واهلا وسهلا بيك فى اى وقت

مصر هى أمى said...

الزعيمة

فى حد يقدر يعكنن على الزعيمة قوليلنا هوا مين بس واحنا نريحك من فى ثوانى المهم ميكونش ولا الحاج ولا الحاجة ولا ايهاب
اى حد تانى مفيش مشكلة نعمل معاه الواجب

بصراحة كان نفسنا تيجى الحوار معاكى ممتع جدا وعندك اراء كتير كويسة اكيد كنا هنسفيد بيها وانتى كنتى هتستفيدى من اراءنا برده
المرة اللى جاية ان شاء الله

فؤاده said...

الف تحية للصاروخ الصاعد اللي فاق كل توقعاتي

الرمز

ياسمين said...

محمد عاوزاك فى حاجة مهمة قوى

ابعتلى رقم تليفونك على الميل لو سمحت وبسرعة .. بأحاول أوصلك بقالى يومين

micheal said...

محمد باشا
و الله احنا أسعد بوجودك و أتمني فعلا نحول فكرة سمرا لحقيقه و أمر واقع و ده حيخلي للقائنا قيمه أكبر
في انتظار اللقاء القادم

fares said...

انا كان نفسي ابقي معاكم انا كنت جاي بس والدي تعب فجاءه معلش خليها المره الجايه واشكركم وتحياتي لك

شادي فايد said...

الو الووووووووووو

مية مسا ع الناس الكويسة

انا مش حقول غير حاجة واحدة

انا مبسوط قوي اني شوفتكم

Gid-Do - جدو said...

محمد

كرم منك انك حولت عناوين المدونين اللى حضروا الاجتماع الى لينكات انت بكدة وفرت على اللى يدخل عندك وعاوز يتعرف على مدونات الناس دية مجهود كبير فى القص واللصق اللى انا عانيت منة تشكر على هذا ـ وباذن الله سوف اتصفح مدونتك قريبا ـ تحياتى

raspoutine said...

شكرا يا اطيب قلب

ايمن فاروق

واحد من الناس::طارق:: said...

محمد..
بص اناس دى كلها بتحبك اد ايه ..انت بتفرض عليهم الحب دة..
عارف ..انت لو حتى كتبت بوست فاضى مفهوش ولا كلمة .. هتلاقى كومنتات كتير اوى بيحييك على مشاعرك الطيبة وقلبك الابيض لانهم متاكدين انك اكيد كنت تقصد حاجة جميلة بالبوست الفاضى دا

أميرة البلطجية said...

Congrats one more time ya Mehammad :) Wish I'd be able to join u one day :)

halwasa-masrya said...

اكيد كان يوم حلو اوى .. طالما اتجمع فيه ناس كتير حلوة ومحترمة وجدعة كده .. بجد كان نفسى اجى بس معلش ظروف بجد ربنا يكرم باه المرة الجاية ...

يا رب تكونوا انبسطوا .. وعلى فكرة انا كنت رايحة حفلة الساقية قبل ما اعرف ان اللى عملها واحد من المدونين .. ربنا يسهل واخمن شكلكم مع انى كل حفلة ساقية بتوه من الناس اللى راحة معاهم اصلا

ربنا يجمعكم فى الخير دايما واهو انتو بتوفروا وقت على الداخلية او حبت تلم المدونين تبقى تروح اللقاء بتاعكم وخلاص

مصر هى أمى said...

فؤاده الرمز
سعادتك انت زمان كنت الرمز دلوقتى خلاص اللقب اتسحب منك

اهو قركم وحسدكم ده اللى هيودينا فى داهية

مصر هى أمى said...

ياسمين

حاضر والله مكنتش عارف انى مهمة اوى كده

مصر هى أمى said...

مايكل
ميكليتو مش عارف اسم مدونتك عاجبنى اوى ميكليتو ميكليتو

احنا اتشرفنا بيك والله انا مبسوط انى عرفتك وان شاء الله ننفذ فكرة سمراء

مصر هى أمى said...

فارس

الف سلامة على الوالد ويا سيدى القعدة مع الوالد اهم منا ميت مرة

نشوفك المرة اللى جاية ان شاء الله

مصر هى أمى said...

شادى فايد

مع انى زعلان منك بس يالا مش مشكلة انا قلبى كبير ومسامحك
انا كمان مبسوط انى شوفتك

مصر هى أمى said...

جدو
العفو يا جدو
وتشرف مدونتى ف اى وقت

مصر هى أمى said...

ايمن راسبوتين

انا اللى بشكر ربنا انىتعرفت على انسان زيك يفكرنى با ابن البلد الجدع الاصيل

مصر هى أمى said...

طارق واحد من الناس

انا مش اد الكلام الكبير ده شكرا ليك اوى مش عارف ارد باكتر من كده

مصر هى أمى said...

اميرة البلطجية

i hope to join us one day
thanx to your comment

keep in touch

مصر هى أمى said...

هلوسة

انا مبسوط جدا انك لسه مستمرة فى التعليقات مع انك حرمانا من البوستات بتاعتك

علشان كده مجيتيش الاحتماع شكلك كنتى مبلغة عنا امن الدولة ماشى يا هلوسة
كان نفسنا نشوفك بس للاسف حظنا وحش
المرة اللى جاية ان شاء الله
وممكن نشوفك فى الحفلة بتاعة الساقية انتى قولى بس كلمة السر بلووجر وهتلاقى ميت واحد يتعرف عليكى
ربنا يجمعنا فعلا فى خير ان شاء الله

استاذ حسنى سليمان اما اتكلم قال ان احنا بنتجمع من غير اى مصلحة غير المحبة الخالصة لوجه الله

جبهة التهييس الشعبية said...

القصاص للأسرى المصريين

ياسمين said...

البوست حلو يا محمد زيك بالظبط

انت أحلى حاجة فيك ابتسامتك اللى بتعكس روح مصرية حلوة وباشوف بجد مصر كلها فى ابتسامتك دى

لك حق انك فعلا تقول مصر هى أمى

tamer said...

فين بقى اسمى انت نستنى

انا زعلان بقى

بس لما اشوفك المرة الجاية

تحياتى

ibn nasser- ابن ناصر said...

انشا الله ابقي موجود المره الجايه تعاي عندي مفاجأه ليك

كراكيب عادل said...

يا ريتني كنت معاكم

ياسمين said...

شكرا يا محمد

أنا قريت تعليقك عنى عند سهر الليالى

لما اشوفك هقولك على الأزمة اللى بأمر بيها

تحية من قلب مجروح

مصر هى أمى said...

جبهة التهييس الشعبية
انا متشكر ليكى جدا على المجهود العظيم جدا اللى انت عاملاهعلشان الاسرى المصريين مجهود محاولش حد من الحكومة انها تعمله

مصر هى أمى said...

ياسمين
ربنا يخليكى الاجتماع كان حلو جدا وان شاء الله دايما كل اجتماعتنا تبقى حلوة

مصر هى أمى said...

تامر
تفتكر اما اشوف اسم مدونتك ممكن بعديها اكتب اسمك عندى
احكموا يا اخوانا واحد اسمه مدونته افكار مرعبة وكل بةستاته عن الاشباح والعفاريت ده ممكن اكتب اسمه
المهم متسلطتش عليا حد من عفاريتك عليا ماشى واوعدك انى اكتب اسمك بعد كده

مصر هى أمى said...

ابن ناصر
ان شاء الله تكون معانا
ورحت عندك وشوفت الفاجاة
شكرا ليك

مصر هى أمى said...

كركيب عادل

ان شاء الله تكون معاناالمرة اللى جاية

شكرا ليك

مصر هى أمى said...

ياسمين
ان شاء الله ازمة وتعدى ولازم اشوفك فى الحفلة النهاردة

david santos said...

Hello, Muammad adel!
Thank you for you work.
Have nice week
InsyaAllah

الأرمـوطــي said...

مش عارف انتى فاكرنى ولا لا يا محمد انا كنت معاكم فى الاوبرا ودى كانت اول مره اعرف عن المدونين انا كنت معجب بكتير من الحاضرين وانت من اكتر الناس دى ان شاء الله المرة الجاية اتعرف عليك اكتر ويكون ليا الشرف طبعا

Anonymous said...

https://wifyu.blogspot.com

Anonymous said...

http://wifyu.blogspot.com